Tip: Siulersuisuni ilaasortanngornissamik takorluugaqarpit?
Illoqarfiit pingaarnersaanni najugaqarlutit CV-nnut naleqquttumik siulersuisunut ilaasortaafissamik takorluugaqaruit, takorluukkat immaqa piviusunngorsinnaavoq.
Kommuneqarfik Sermersooq suliffeqarfinnut imminnut pigisunut, aningaasaateqarfinni kommunillu ingerlatsiviutaanni siulersuisunik toqqaaniarnermini amerlanerusunik toqqagassaqarusuppoq.
CV-nik paasissutissaasiviup immernissaa
Tamanna Aningaasaqarnermut- Inuussutissarsiornermullu ataatsimiititaq 22. martsimi ataatsimiileruni oqaluuserisassaani allassimavoq.
Kommuni toqqagassanik imartumik CV-nut paasissutissaasiveqarpoq, nutaamillu immerneqarnissaa kommunalbestyrelsimi ilaasortanut maanna kaammattuutigaat.
- Pisortaqatigiit Allatseqarfiata aviisit toqqakkat aqqutigalugit kikkunnut tamanut saqqummiunniarpaa, taamaalilluni innuttaasut soqutiginnittut kikkulluunniit CV-nik paasissutissaasivimmut nassiussisinnaanngorlugit, inassuteqaammi allassimavoq, soqutiginnittunullu riro@sermersooq.gl mailikkut allaffigineqarsinnaanera erseqqissarneqarluni.
Piginnaasanik
Siulersuisuni piginnaasat sorpiaat pisariaqartinneqarnersut pillugu ingerlatsiviit suleqatiginiarneqalerput.
- Piginnaasatigut pisariaqartitsineq aamma CV-nik paasissutissaasivik tunngavigalugit siulersuisuni ilaasortatut kommunip CV-nik paasissutissaasivianut innersuusseqataanissamut kaammattuut piukkunnarnerpaanik toqqaasoqarsinnaanngussaaq. Neqeroorut siulersuisunut kommunalbestyrelsip sinniisussamittut toqqaaffigisinnaasaannut atuuppoq, toqqarneqartoq kommunalbestyrelsimi ilaasortaajutigissanngilaq, allassimavoq erseqqissarneqarlunilu “neqeroorummi pineqanngillat kommunalbestyrelsimi ilaasortaasut toqqarneqarlutik siulersuisuni ilaasortaatinneqartartut”.
Oqimaaqatigiissumik ineriartortitsineq
- Kommuneqarfik Sermersooq taamaalilluni aamma selskabit kommunimilu innuttaasut iluaqutigisinnaasaannik naleqquttumik oqimaaqatigiissumillu ineriartortitsinermi qulakkeerinneqataasinnaavoq, ataatsimiitami politikkerinut inassuteqaammi allassimavoq.
DMI Tasiilami Kategori 2-mik sakkortussuseqartumik anorersuarnissaanik aarlerisaarivoq, 6. marsi 2024 nal. 09.00-imiit 7. marsi 2024 nal. 01.00-imut atuuttussamik. Anorersuaq sekundimut 25...
Aputit, nipilersortut ataatsimoornerillu nuannersut sammereerlugit ukioq manna Snow Fest sapaatip akunnerata naanerani naammassineqarpoq. Pisortatigoortumik ajugaasup...