Skip to main content

Landrådimi Landstingimilu ilaasortaasimasoq toqukkut qimaguppoq

Arfininngornermat siusinnerusukkut Landsrådimut Inatsisartunullu ilaasortaasimasoq Peter Lars Gerhardt Godtfredsen toqukkut qimaguppoq, 84-inik ukioqarluni.

Siusinnerusukkut Landsrådimut Inatsisartunullu ilaasortaasimasoq, Peter Lars Gerhardt Godtfredsen, Lars Godtfredsinitut ilisimaneqarnerusoq, arfininngormat toqukkut qimaguppoq.

Inatsisartut siulittaasuat, Lars-Emil Johansen, eqqaaniaalluni ima allappoq:

'Lars, nunatta Landsrådiinut 1974-imiit ilaasortaaqatigisimasara, eqqaamajuassavara. Taamanikkut Landsrådimut ilaasortanngorpoq Hendrik Nielsen peqatigalugu, Johan Knudsenimut Jørgen Poulsenimullu, 1974-imi helikopterip nakkarnerani ajunaartunut, sinniisussatut. Lars Godtfredsen 1975-imi qinigaaqqippoq.

Namminersornerulernerullu eqqunneqarnerata kingorna Inatsisartunut Atassut sinnerlugu qinigaaqqilluni, ilaasortaallunilu 1981-imi nammineq pissuteqarluni tunuarnissami tungaanut.

Lars Narsarmiuuvoq, maskinalerisutut ilinniarsimalluni ukiorpassuarnilu nunatsinni sulinermik inuussutissarsiutillit kattuffianni taamanikkut GAS-imik taaguuteqartumi timitalimmik suleqataasimalluni, ukiorpassuarni Narsami immikkoortortami
siulittaasutut ukiunilu pingasuni siulersuisuunernut ilaasortatut. Lars ukiorpassuarni Narsami innaallagissiorfimmi sulisimavoq Narsamilu peqatigiiffeqarnermi ilisimaneqarluarluni.

Lars piniartorsuusimasup Andreas Godtfredsenip erneraa namminerlu aamma pinerrarissuulluni.

Narsami kommunalbestyrelsimut ilaasortaasimavortaaq, piffissallu ilaani borgmesterip tulliatut atuussimalluni.

Eqqaaneqarnera ataqqineqartuuli.'

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER