Skip to main content

Frimærkinik katersisartunut nutaarsiassatsialak

Naak allakkanik nassiussisarneq emailikkut attaveqaqatigiinnikkut tatisimaneqaleraluttuinnaraluartoq, Tele-Post frimærkinik nutaanik suli saqqummersitsiortorpoq.

Frimærkinik katersisartunut nuannaarutaasumik, Tele-Post frimærkinik nutaanik assiliartalinnik saqqummersitsisaqattaarpoq.

Ukiuni 80-ni ileqqoq
Kalaallit frimærkii ukiuni 80-ni saqqummersinneqartarput, 2018-imilu nutaat 24-t saqqummissapput, ingerlatseqatigiiffik tusagassiuutinut nalunaarummi allappoq.

- Pisarnertut ukiumut pingasoriarluta saqqummersitsissaagut: Ataaseq januaarimi, ataaseq maajimi aammalu ataaseq oktoberimi. Ukioq frimærkileriffik 2018 ukiup mappianik nuannarineqarluartumik naggaserneqassaaq, mappillu imarai frimærkit pineqartut 24 tamaasa aammalu ilanngunneqarput miniarkit arfinillit, Tele-Post ilisimatitsivoq.

Januaarip 22-anni frimærkit nutaat qulingiluat nioqqutigineqalissapput, taakku eqqumiitsuliortunit Miki Jakobsenimit, Buuti Pedersenimit, Gukki Nukamit aamma Sissi Møllerimit suliarineqarput.

Saqqummersitsinerit amerlanerusut
Apriilip 16-anni, maajip 25-anni aamma oktobarip 22-anni frimærkit nutaat saqqummersinneqassasut ilisimatitsissutigineqarpoq. Ukioq aamma juullip nipitittagaanik naggaserneqassaaq, eqqumiitsuliortoq suli isertuunneqarpoq.

Januaarip 22-anni saqqummertussanit takusassiat allaaserisap ataani takukkit:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER