Skip to main content

Kommuni avinneqarmat sulisoq atorfissaaruttoq

Qaasuitsup Kommuniani qaffasissumik atorfilik 2017-imi novembarimi neqeroorfigineqarpoq kommunimi nutaami, Kommune Qeqertalimmi, 2018-imi januaarip aallaqqaataanit atorfini taanna nangissinnaagaa, tamannalu akueraa. Atorfilli taanna pigineqanngilaq, maannalu Avannaata Kommuniata Kommuneqarfik Sermersuullu sulisoq akisussaaffigiumajunnaarpaat.

2017-imi novembarimi Kommune Qeqertallip Avannaatalu Kommuniata isumaqatigiinniareernerisa kingorna Qaasuitsup Kommuniata taamanikkut Qaasuitsup Kommuniani isumaginninnermut pisortaq neqeroorfigaa Kommune Qeqertalimmi atorfimmut tassunga nuunnissaanik, tamannalu taassuma akueraa.

Tamanna allagaatini, Sermitsiap pissarsiarisimasaani, takuneqarsinnaavoq. Ajornartorsiutaaginnarpoq Kommune Qeqertalimmi atorfimmik taamaattumik peqanngilluinnarmat, kommuni taanna allaanerusumik aaqqissuunneqarsimammat.

Tamanna pissutigalugu sulisoq nalorninartorsiutigineqalerpoq, Sermitsiaq allappoq.

– Isumaginninnermut pisortaq atorfimmik neqeroorfigineqarsimavoq tamanna uagutsinnik qularnaarniaqqaarnagu, Kommune Qeqertalimmi kommunaldirektør Hans Peter Poulsen oqarpoq, taassumalu nassuerutigaa isumaginninnermut pisortap pineqarsimanera akuerineqarsinnaanngitsoq.

Aalajangiusimavaali Qeqertallip pisimasoq tamanna akisussaaffiginngikkaa, akerlianilli Qaasuitsup Kommuniata, atorunnaarsimasup, akisussaaffigigaa.

Allaaserisaq Sermitsiami ullumi tallimanngornermi saqqummertumi tamakkerlugu atuaruk. Aviisi uani pisiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER