Skip to main content

Aalisarnermut inatsit pillugu eqqartuussinissamut Naalakkersuisut piareersarput

Kammeradvokatip aalisarnermut inatsit pillugu paasissutissiinera Naalakkersuisut tunniukkusunngilaat, taanna taarsigassiilluni suliakkiissutaasinnaasunut piareersaatititut atorneqassammat

Aalisarnermut inatsisissaq akuerineqassappat, eqqartuussivikkut suliassanngortitsisoqarsinnaaneranut Naalakkersuisut piareersareerput. Nivi Olsenip (D) § 37 naapertorlugu apeqquteqaataanut akissummi tamanna atuarneqarsinnaavoq.

Kammeradvokatip nalunaarusiaanik, aalisarnermut inatsisip aningaasaqarnikkut kingunerisinnaasaanik erseqqissaasumik, Naalakkersuisut sooq isertuussinersut, Nivi Olsen (D) apeqquteqarpoq.

Atuaruk: Kruse: Isumaliutissiissut isertugaavoq

Eqqartuussivikkoortitsisoqarsinnaaneranut piareersaat
Nalunaarusiaq Naalakkersuisut iluanni atugassiaasoq, Karl Kristian Kruse (S) akissummini oqarpoq.

- Inatsisitigut nassuiaatitalimmik akissuteqaasiortitsinerit eqqartuussivikkoortitsisoqarsinnaagaangat Naalakkersuisut illersorniarlugit atorneqartarput, taamaammallu pisortanut suliassaanani, Karl Kristian Kruse (S) allappoq.

Atuaruk: Kruse suli isertuussisoq

Inatsisitigut aamma taarsigassiisoqarsinnaaneranut inatsisip kingunerisinnaasaanik naliliisumut, illuatungeriit arlaqartut akissuteqaammik takunnikkumallutik qinnuteqartaraluarput.

- Pisortat ingerlatsineranni paasitinneqarsinnaatitaaneq pillugu inatsimmi § 10, nr. 4 naapertorlugu Kammeradvokatip inatsisitigut nassuiaatitalimmik akissuteqaataa allagaatinik takunnissinnaatitaanermut ilaatinneqanngilaq, pisortat immikkullu paasisimasallit eqqartuussissutigisassani imaluunniit suliassap eqqartuussisunut tunniunneqartariaqarnerata isumaliutiginerani atugassatut allaffigeqatigiinnerannut tunngammat, Karl Kristian Kruse (S) allappoq.

Atuaruk: Oqaaseqaatip assortuussutigineqarnerani ilisimasallip Kruse taperserpaa

Siorna ukiukkut suliakkiissutigineqartoq
Aalisarnernermut Piniarnermut Naalakkersuisoqarfiup siornatigut Sermitsiaq.AG-mut ilisimatitsissutigaa, Kammeradvokatip akissuteqaataa februaarimi imaluunniit marsimi qinnuteqaatigineqarsimasoq. Inatsisissatut siunnersuutip piareersarneqarneranili taarsigassiisoqarsinnaaneranik misissuisoqalereersimavoq.

Atuaruk: Krusep isertuussiniakujunnera Nivip naammagisimaarnianngilaa

Inatsisartut Aalisarnermut Ataatsimiititaliaannut imaqarniliamik tunniussisoqarnissaa, Karl Kristian Krusep akissummini uterpaa. Naalakkersuisut isumaqatigiillutik akissuteqaatip isertuunneqarnissaa aalajangersimaneraat ilisimatitsissutigerusunngilaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER