Skip to main content

Nivi: - Aalisarnermut inatsit pillugu isertuussineq akuersaarneqarsinnaanngitsoq

Aalisarnermut inatsisissap kingunissaat ilisimanagit Inatsisartut akuersinissaat, Nivi Olsenip ernumassutigaa.

Demokraatit aalisarneq pillugu oqaaseqartartuata Nivi Olsenip, Kammeradvokatip akissuteqaasiaa sooq isertuunneqarnersoq Naalakkersuisunut apeqqutiginikuuaa. Tamanna eqqartuussivilersuussisoqarnissaanut piareersaatitut atorneqassammat, aalisarnermut piniarnermut naalakkersuisoq, Karl Kristian Kruse (S) akissuteqarpoq.

Kisianni akissut taanna Nivi Olsenip naammaginngilluinnarpaa.

- Isertuussiniakujunneq akuersaarneqarsinnaanngilluinnarpoq, taanna Sermitsiaq.AG-mut oqarpoq.

- Nunap pisuussutaani pingaarnersaapput, aalajangeereernermilu ajutoortoqassappat nunap aningaasaqarneranut ajalusoortitsinissaa ernumassutigaara.

Kingunissat misissoqqissaarneqarnerat maqaasigaa
Aalisarnermut inatsisissap kingunissai ilisimanagit, Inatsisartut taasinissaat Nivi Olsenip (D) ernumassutigaa. Pisassiissutit atorunnaarsinneqarnissaat ingammik nalornisitsipput.

- Tamatuma kingunissaata misissoqqissaarneqarnera takunikuunngilarput. Pisassiissutilluunniit qanoq agguaanneqaqqinnissaat ilisimanngilarput, taanna oqarpoq.

Suliassanngortitsinissamut sioorasaarinerit
Raajartassiissutit atorunnaarsinneqassappata Polar Seafood milliardilikkaanik taarsigassiinissamik sioorasaarereerpoq. Kammeradvkatip akissuteqaataa suliassanngortitsisoqarnissaanut piareersaatitut pissamaatigineqarpoq.

Aamma atuaruk: Aalisarnermut inatsit pillugu eqqartuussinissamut Naalakkersuisut piareersarput

- Kisianni eqqartuussivilersuussisoqarsinnaanerani sakkussanik takutitsinaveersaarneq silatusaarnerunnginnami?

- Taamatut isertuussiniakujuttoqarnera suli akuerisinnaanngilara. Ajortoqavinnissaanik ernumalersitsivoq, Nivi Olsen (D) oqarpoq.

- Ilaat isertuunneqartariaqarpata, minnerpaamik kingunissaasa misissoqqissaarneqarnerat saqqummiunneqartariaqarpoq.

- Naak IA?
Tamatuma saniatigut naalakkersuisoqataasut tungaannut IA-mut apeqqusiivoq.

- Uani suliami IA sumiippa? Siornatigut annerpaamik ammasuunissaq isertuussinnginnissaq tunngavilersuutigisaraluarpaat. Maanna Naalakkersuisunut ilaalermata sooruna tusassaarigut? taanna aperivoq.

Umiarsuaatileqatigiiffinnit marlunnit angisuunit pisassiissutit tunngaviusumik tigusiffigeriarlugit siammasinnerusumik agguaanneqarnissaat akerlerinagu, Nivi Olsenip naqissuserpaa.

- Tunngaviusumik pitsaasumik eqqarsarneruvoq. Kisnani maanna tunngavigineqartoq atorlugu taama annertutigisumik aalajangiisinnaanngilagut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER