mittarfiit
Nunat tamat akornanni timmisartornermut akitsuutit nutaat ernummatigineqartut
Mittarfiit ingerlaannarnissaannut aningaasanik nassaartoqartariaqartoq paasisinnaavara. Akitsuulli nutaaq angalasut amerlisinniarnerannut atatillugu akerlerluinnaanik sunniuteqassasoq Kalaallit Airportsini siulittaasoq oqarpoq
Naalakkersuisut Nuummiit Nuummullu Ilulissaniit Ilunissanullu nunat tamat akornanni angallannikkut aqqutini nutaamik akitsuusiiniarlutik isumaliutigaat taamaalilluni siunissami qulimiguulinnut suluusalinnullu mittarfiit amigartoortumik ingerlanneqartut aningaasalerneqarsinnaallutik.
Sermitsiaq aviisi tallimanngorpat saqqummertussami allaaserisaqarpoq.
Naatsorsuutigineqarpoq akitsuut nutaaq appartikkiartuaarneqassasoq amigartoorutip annikilliartornera ilutigalugu. Tamanna ungasinnguitsukkut tusarniaanermi atortussani nassiunneqartuni allassimavoq.
Nunap karsianut nakkartinneqartussat
Kalaallit Airports taakkuupput akitsuummik nutaamik akiliisitsiniartartussat. Akitsuulli ingerlatseqatigiiffimmut nakkartussaanngilaq Nunattali karsianut.
– Akitsuut nutaaq Naalakkersuisut siunnersuutigisaat, nunanit allanit ilaasunut Ilulissanut Nuummullu angalasunut akitsuutaavoq. Akitsuusiisoqarpoq ilaatigut amigartoorut Mittarfeqarfiit siunissami Kalaallit Nunaanni mittarfinnik allanik ingerlatsineranni amigartoorummik aningaasaliissutaasussaq, Kalaallit Airportsimi siulittaasoq, Johannus Egholm Hansen Sermitsiamut oqarpoq.
Allaaserisaq Sermitsiaq aviisimi aqagu tallimanngorpat saqqummertussami tamakkerlugu atuarsinnaavat. Aviisilu uani pisiassaalereerpoq: