aningaasaqarneq
Aningaasaqarnermut Siunnersuisoqatigiit Nuummi isumasioqatigiissapput
Aalisakkanik pisuussutinik aqutsineq aammalu nutaaliornermut pilerstitsinernulli piginnaasanik ineriartortitsineq isumasioqatigiinnermi pingaarnertut oqaluuserineqassapput
Aningaasaqarnermut Siunnersuisoqatigiit ukiut siulii assigalugit isumasioqatigeeqqissapput.
Tamanna Nuummi aqagu arfininngornermi Hotel Hans Egedemi pissaaq.
- Aalisakkanik pisuussutinik aqutsineq aammalu nutaaliornermut pilersitsinernulli piginnaasanik ineriartortitsineq ukioq manna pingaarnertut qulequtarineqassasut, Aningaasaqarnermut Akileraartarnermullu Naalakkersuisoqarfik tusagassiuutinut nalunaarummi paasissutissiivoq.
Isumasioqatigiinnermi Peter Gullestad, Norgep Fiskeridirektoratiani Bergenimiittumi pisortaq, siusinnerusukkut Oslomi Fiskeridirektoratimi pisortaasimasoq saqqummiissaaq.
Susassaqarfiillu arlallit nutaaliornermut, nutarterinermut ineriartornermullu piginnaasanik pilersitsinermik tunngaveqarneq pillugu saqqummiissapput.
Naalakkersuisulli peqataatitaqassanngillat. Naalakkersuisut tamarmik Avannaani innuttaasunin ataatsiimitsiartorlutik angalapput.