Great Greenland

Puisit amiinik amigaateqarneq atuisunik annaasaqartitsivoq

Puisit amiisa tunineqartarnerat appariartorpoq, siunissamilu tunisat amerlanerulernissaat Great Greenlandimit naatsorsuutigineqanngilaq. Tamanna pissutaalluni aamma Great Greenlandip Kinamiut suleqatiginninniartut annaasimavai

Ukiut kingulliit tallimat ingerlanerini puisit amiisa tunineqartartut malunnaatilimmik ikiliartorsimanerat, nunani allani niunernikkut attaveqaatinik nutaanik pissarsiniarnermut ajornartorsiutaasimavoq. Assersuutigalugu Kinami amernik tunisassiortut Great Greenlandimit attavigineqarsimapput, Great Greenlandilli puisit amiinik pilersuisinnaanera imak annikitsigaaq, taakku suleqatigilernissaannut tunngavissaqarani.

Sermitsiaq allappoq.

Puisit amii 2017-mi 25.000-it Great Greenlandimut tunineqarput, taakkulu naatsorsuutigisamit ikinnerujussuupput, tamannalu Great Greenlandimi pisortaanerup Ditte Sorknæssip pakatsissutigaa. 2018-imi puisit amii 40.800-it Great Greenlandimut tunineqarsinnaasutut killiliunneqarput, taakkuli angu­neqarnissaat naatsorsuutigineqanngilaq.

Puisit amii amigaataanerisa tunuliaqutaanik allaaserisaq Sermitsiami atuaruk:

Powered by Labrador CMS