namminiilivinneq
Namminiilivinniarneq marloqiusamik ingerlasoq
– Naalakkersuisut isumalioqatigiissitarlu ataatsimut ingerlaqatigiiffissarsiortariaqarput, Vivian Motzfeldt oqarpoq
Isumalioqatigiissitami ilaasortat katitigaanerisa assortuussutaanerat pissutigalugu Tunngaviusumik Inatsisissaq pillugu Isumalioqatigiissitaq qaammatini marlunni uninngasimasoq akerlianik namminiilivinnermut Naalakkersuisoq Suka K. Frederiksen saqqumilaartorujussuusimavoq.
Sermitsiaq allappoq.
Namminersorlutillu Oqartussat marloqiusamik ingerlaniarnerat ernumanartinneqarpoq: Naalakkersusioq namminiilivinnissamik sukkasuumik angusaqarusuttoq, Tunngaviusumillu Inatsisissaq pillugu Isumalioqatigiissitaq, Kalaallit Nunaata tunngaviusunik inatsisissaanut siunnersuummik ilusilersuiluni ukuni arlalinni sulisoq.
Naalakkersuisut aamma Tunngaviusumik Inatsisissaq pillugu Isumalioqatigiissitap unamminerat isumalioqatigiissitami oqaluuserineqarsimavoq, isumalioqatigiissitallu Naalakkersuisoq ataatsimeeqatiserisimavaa qanoq inissisimanertik qulaajarniarlugu.
– Suliap matuma ataatsimoorunnissaa pingaaruteqartorujussuuvoq. Inatsisit Tunngaviusut namminiilivinnerlu inunnit aalajangersimasunit pigineqassanngillat, innuttaasunilli ataatsimut pigineqassallutik, Vivian Motzfeldt erseqqissaavoq.
Akerlianik Suka K. Frederiksenip akerleriittoqarsorinngilaa.
– Namminiilivinneq innuttaasut namminneq pigissavaat.
Allaaserisaq Sermitsiami kingullermi saqqummertumi tamakkerlugu atuarsinnaavat. Aviisi auni pisiariuk: