Operation Julemand
Assit takukkit: Avannaani tunissutiarpassuit
Avanersuarmi meeqqat tamarmik – Kalaallit Nunaanni sumiiffiit avannarlersaat ilaat: Qaanaaq, Siorapaluk, Qeqertat Savissivillu – ileqqut malillugit Operation Julemand-imiit, Thule Air Base-miit juullimi tunissutisipput.
Eqiasuillutik kajumissusillit katersinermik aaqqissuisuupput, aaqqissuussineq taanna ukiuni arlalinngortuni ileqqutut ingerlanneqartarpoq. Najukkamik pisiniarfinni nappartat atorlugit katersineq ingerlanneqarpoq.
Qulimiguulimmik apuunneqartut
Kajumissusillit internettimi pisiniarfinni assigiinngitsuni juullimi tunissutisiassat piniarsimavaat, poortoriarlugillu Air Greelnadip qulimiguuliutaanik nassiullugit.
Juullimi poortukkak Qaanaamut tikinneri meeqqat atii tamarmik ilaanersut sunngiffimmi susassaqartitsinermik aqutsisup misissortarpai.
Juulimaaq (najukkamik oqaatsit atorlugit) "Niihimaaq", meeqqat alutoreqisaannik qatserisartut biilnik, ambulancenik, politiillu biiliinik nassarpoq.
Orpiliarneq
Timersortarfimmi meeqqat tamarmik – meeraaqqaniit inuusuttunut – orpiliartinneqarpoq poortugarsitinneqarlutillu.
Allaaserisap ataani pisumit assit takukkit: