Tunngaviusumik inatsisissaq pillugu isumalioqatigiissitaq
Tunngaviusumik inatsisissaq pillugu isumalioqatigiissitap piffissaq sivisunerusoq pisariaqartippaa
Tunngaviusumik inatsissamik suliaqarneq pilersaarutaasimasumit sivisunerusumik ingerlanneqassaaq
Tunngaviusumik inatsisissaq pillugu isumalioqatigiissitami siulittaasoqarfiup tallimanngornermit tusagassiuutinut nalunaarutaanni allassimavoq.
Isumaqatigiinngerujussuarneq
Tunngaviusumik inatsisissatut siunnersuut qaqugu naatsorsuutigineqarsinnaanera, piffissami kingullermi isumaqatigiinngissutaangaatsiarpoq.
Karl Kristian Krusep, Suka K. Frederiksenip oqartussaaffianik tigumminnittuusup, novembarip ulluisa 23-nni Sermitsiaq.AG-mut paasissutissiaraa, 2018 naatinnagu siunnersuuteqarnissaq naatsorsuutigineqartoq.
Suka K. Frederiksenip napparsimalluni sulinngiffeqareerluni uternerminiit ullualunnguit qaangiunnerini, isumalioqatigiissitaq suliaqarnermini piffissaq sivisunerusoq pisariaqartikkaa, KNR-imut oqaatigaa.
- Naalakkersuisoqatigiit isumaqatigiissutaanni allassimavoq, suliassaq taanna ukiunik marlunnik pingasunik sivisussusilik akuersissutigalugu ingerlanneqassasoq, Suka K. Frederiksen Qanorooq-mut oqarpoq.
Tunngaviusumik inatsisissaq pillugu isumalioqatigiissitaq 2017-imi apriilip qaammataani pisortatigoortumik pilersinneqarmat,
Suka K. Frederiksen naapertorlugu, sulineq kingusinnerpaamik 2020-mi apriilip qaammataani naammassereerneqareersimassaaq.
Allatut ulluliineq
Tunngaviusumik inatsisissaq pillugu isumalioqatigiissitami siulittaasup siulittaasullu tulliata, Vivian Motzfeldt aamma Mimi Karlsenip suliamik naammassinnissamik allatut ulluliisimaneq massakkut oqaatigaat.
- 2020-p naanerani sulinerput naammassissaqqaarparput, isumalioqatigiissitami siulittaasoqarfik allappoq, sulinermullu pilersaarusiaq 2017-imi oktobarip qaammataanili piareerneqarsimanera paasissutissiaralugu.
2018-imi ataatsimeersuarneq
Ilanngullugu paasissutissiarineqarpoq, Nunatta tunngaviusumik inatsisissaanik sulinerup pingaaruteqassusaa isumaalu pillugit ataatsimeersuartitsinissaq ukioq manna pisussatut siunniunneqarsimasoq.
Allaaserisat uku aamma atuakkit
Sukap peqqusinera siulittaasoqarfiup malikkumanngilaa
Randi: Tunngaviusumik inatsisissaq pillugu Isumalioqatigiisitaq quianaannarpoq
Isumalioqatigiissitap nunap karsia 7,4 millionit koruuninik artukkerpaa