Skip to main content

Folketingimi ilaasortaq: Kalaallit Nunaanni ingerlalluartoqarpoq

Naak Nunatsinni arlalitsigut unammillernartoqaraluartoq allatigut ingerlalluarfiusoq, Inuit Ataqatigiit folketingimi ilaasortaatitaa Aaja Chemnitz Larsen oqarpoq

- Inuit tulluusimaarlutik ullut tamaasa suliartortut, sulilluarlutik innuttaaqataasut akileraarlutillu. Meeqqat ilaqutariillu meerartallit ilisarisimasakka, meeqqat toqqissisimanissaat pillugu ilaqutariinnermini piffissaqartut inuunerissaarlutik. Meeqqat amerlanersaat ilinniartitaanikkut ingerlalluarput Nunatsinnullu qaamanerusumut suliaqarlutik. Kalaallit Nunaat taamatut ilisarisimavara.

Folketingimi ilaasortaq Aaja Chemnitz Larsen (IA) aviisimi Politikkeni, arfininngormat saqqummertumi, oqallississiatut ilanngussami allappoq.

Aningaasaqarnikkut namminiilernissaq sulissutigigaa.

Nunallu unammilligassarisai soorlu aningaasaqarnikkut, isumaginnittoqarnikkut ilinniartitaanikkulli unammilligassat, taassuma tikkuarpai.

- Kalaallit Nunaatali siunissaa ullumikkut – inuttut aningaasaqarnikkulli – pimoorupparput, aammalu meeqqat inersimasulli amerlanerit toqqisisimanissaat nukittunerusumillu meeqqat atuarfeqarnissaat anguniarlutigit, taanna erseqqissaavoq.

Ikannerussuteqalaarneq

Folketingimi politikeri pisuutitseqattaattunut peqataanermiit piorsarsimassutsikkut assigiissutsit paaseqatigiinnermillu tunngaveqartumik tatigeqatigiinnissaq pilersikkusunneruvaa.

- Ajunnginneruvugut. Illuatungeriit tamarmik nakkarsaagatik suleqatigiinnissaat taamaallaat piumasaqaataavoq. Amerlanerussuteqarluartut akornanni isumaqatigiinnermik tunngaveqartumik ingerlatsinissaq amerlasuut uattuulli kissaatigigaat nalunngilara, taanna oqarpoq.

Assigiinngissutaarnerusumik oqallinnermik ujartuineq

Taamaattumik Aaja Chemnitz Larsenip neriuutigaa, qallunaat aalajangiisartuisa kalaallit innuttaasuinut ataqqinnissuseqarumaartut.

- Ilisimasat nutaat oqaloqatigiinnerillu ataatsimuussuserput pillugu oqaluttuanut assigiinngissutaartumik tunngaviliisarput. Maannakkutut taartigisumik ingerlannginnissaq pillugu. Assigiinngissutaarnerusumik oqallinnissaq pisariaqalerpoq, tamannalu oqallissaarillaqqissunik kalaallinut qallunaanulli ajunngitsumik siunertaqartumik peqataavigineqartariaqarpoq, IA-mi politikeri oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER