Kinamiut qaammataasammik suliniutaat nutaaq ingerlanneqartoq
Kinap ilisimatusarfimmik ukioq kaajallallugu inuttaqartussamik sanaartornissamik pilersaaruteqarnera oktobarimi paasineqarmat tamanna uissuummissutigineqangaatsiarpoq. Maannali paasinarsivoq Kinamiut suliniutaat pasinapiluttoq suli alla ingerlanneqartoq, tamatumuunali piareersaatit saqqumilaanngilluinnartumik ingerlanneqarlutik.
Taamaalilluni Tele Greenlandip AG-mut ilumoornerarpaa suliffeqarfik aperineqarsimasoq Kinami universiteti naalagaaffimmit pigineqartoq sinnerlugu qaammataasanut tigooraavimmik pilersitsineq ingerlatsinerlu isumagisinnaaneraa. Attaveqarneq Pinngortitaleriffimmit isumagineqarsimavoq.
- Tigooraaviit nunamiittut taama ittut siunertaat ilaatigut tassaavoq qaammataasanut ataatsimut arlalinnulluunniit attaveqaammik pilersitsinissaq qaammataasallu atuuffigisaanik nakkutiginninnissaq, kiisalu paasissutissanik qaammataasamit katersorneqartunik nunamut sukumiinerpaamik nassiussisarnissamik qulakkeerinninnissaq, nunamilu tigooravimmiit toqqortarinnittarnissaq imaluunniit oqarasuaatit aqqutaatigut nassiusseqqittarnissaq, wholesaledirektør Flemming Drechsel paasissutissiivoq.
Akuersissut
Suliniut aallartitsinnagu Nalunaarasuartaateqarnermik Aqutsisuni Radionik Nakkutilliivimmit akuersissummik qinnuteqartoqaqqaassaaq.
Suliniut qanoq Kinamut sunniuteqassanersoq aviisimi AG-mi atuaruk, taana uani digitaliusoq isissutissarseriarlutit atuarsinnaavat:
