internetti
Tele-Postip internetti sukkanerulersippaa
Ataasinngorpat sumiiffiit aqqaneq marluk katillugit innuttaasut 43 procentiisa najugaqarfii datanik annertunernik internetimillu atuisinnaanerinik Tele-Postip neqeroorfigilissavai
Tele-Postip attaveqaatitigut annertusiiniarnera maanna piviusunngulerpoq. 2017-imiit 2020-mut 800 million koruuninik aningaasaliineq ataasinngorpat innuttaasunut sunniuteqassaaq. Sermitsiaq aviisi taama allaaserinnippoq.
Sukkassuseq ikalerujussuartinneqartoq
Ukioq manna 350 million koruunit atorneqarput, ataasinngorpallu sumiiffiit aqqaneq marluk innuttaasut 43 procentiisa najugaqarfiisa assigiinngitsut malugisinnaalissavaat. Ullumikkut taamaallaat Nuummi Qaqortumilu innuttaasut 37 procentiinik inoqarfiusut sekundimut 10 megabitinik aallersinnaapput.
– Tamanna annertuumik pitsannguinerussaaq atuisullu datanik annertunerungaartunik pissarsisinnaalissallutik, Tele-Postimi attaveqatigiinnermut pisortaq Arnakkuluk Jo Kleist neriorsuivoq.
Nutaanik nioqquteqalissaaq
Ulloq taanna Tele-Postip tunisassiat nutaat arlaqartut saqqummersissavai taakkulu sumiiffinni 14-ini innuttaasut 80 procentiinut neqeroorutigineqassapput.
Illoqarfiit sekundimut 4 megabit-imiit 30 megabit angullugu erngerlutik periarfissaqalersussat tassaassapput:
- Ilulissat
- Qasigiannguit
- Aasiaat
- Qeqertarsuaq
- Kangaatsiaq
- Sisimiut
- Maniitsoq
Nuummi Qaqortumilu 10-miik 30 M/bit atuiffiulissaaq.
Løbende udbygning
Illoqarfiit allat ataasinngorpamiit 4 M/bit-miik 10 M/bit-mik atuilersussat tassaapput:
- Uummannaq
- Kangerlussuaq
- Paamiut
- Narsaq
- Nanortalik.
Illoqarfinni taakkunani tallimani 2018-imi sukkassuseq 30 M/bit-mik atuiffiulissapput.