Tele-Post
Canadami ikuallattoqarnera nunatsinni Internettimut sunniuteqarpoq
Ataasinngornerup ullaavani nunarput tamakkerlugu internetti attaveeruttaarlunilu kingaattaqattaarpoq. Taassuma saniatigut SMS'ersertoqarsinnaanani.
Tele-Post internettimik SMS'ersimillu kiffartuussinini ajornartorsiutigeqqippaa. Maannakkut Canadami suliffeqarfiup suleqatigineqartup ikuallattoornera ajornartorsiutinut patsisaavoq.
- Canadami suleqatigisatsinni ikuallattoqarneranik pissuteqartumik TELE-POSTip Canadamut attaviini
ajornartorsiortoqarpoq. Tamatuma internetimik aamma SMS-imik sullitatsinnut sullissinerput sunniuteqarfigaa. Pisoq
tamanna assorsuaq nalaatsorpoq, tassami Kalaallit Nunaata Kujataani imaatigut kabelimik suliaqarnermi internetimik
atuineq tamarmi Canadap tungaanut imaatigut kabelimut nuunneqarnikuummat, Teknikkimut IT-mullu pisorta Jonas Hasselriis, Tele-Postiminngaanneersoq tusagassiuutinut nalunaarummi oqarpoq.
Ingerlatseqatigiiffimmi "Ajornartorsiut sukkanerpaamik aaqqinniarlugu ulapippugut", pisortaanerup oqaatigaa
TELE-POST imaatigut kabelinik marlunnik attaveqarpoq, ataaseq Canadamukartoq ataaserlu Islandimukartoq. Attaviup aappaa ajutoorpat kabelip aappaanut attaviit nuunneqartarput. Ajoraluartumillu Tele-Post imaatigut kabelimik suliaqangaatsiarneq ingerlanneqaleruttornera pissutigalugu attaviit kabeli islandip tungaanukartumut nuussinnaanngilai.