Skip to main content

Mittarfeqarfiit atorfinnik Nunatsinnut nuutsitsivoq

Mittarfeqarfinni qullersat tuniniaanermut, nittarsaassinermut pisiortuinermullu atorfiit Kalaallit Nunaannut nuutsinnissaat aaliangiuppaat.

Mittarfeqarfinni qullersat tuniniaanermut, nittarsaassinermut pisiortuinermullu atorfiit Kalaallit Nunaannut nuutsinnissaat aaliangiuppaat. 

Pisiortuisoqarfik ullumikkut sulisunik marlunnik Qallunaat Nunaanniittunik ingerlanneqarpoq. Tuniniaanermut immikkoortortaqarfik ineriartortitsinermut pisortaqarpoq Danmark-imiittumik aammattaaq nittarsaassinermut suliffeqarfik Danmark-imiittoq atorneqartarpoq. Kingullertut taasamut isumaqatigiissut oktober naaneranut unitsinneqarpoq.

Mittarfeqarfiit tusagassiuutinut nalunaarummi allappoq.

Mittarfeqarfiit erseqqissaassutigivaat sulisut sulinerat tatigineqarmat nuutsitsinerlu taamaallaat suliffeqarfiup aaqqissuussaaneranut pitsanngorsaatitut isigineqassasoq, tassaasoq qullersaqarfimmi immikkoortut tamarmik inissisimanissaat.

Sulisut taamaammat Kalaallit Nunaannut nooqataanissamut periarfissinneqaraluarput akuersaarnatilli.

Ukiup nutaap aallartinnerani

- Qullersani naliliisimavugut qullersaqarfimmut taama ungasitsigisumik immikkoortortaqarneq sulisoqarnerlu tulluartuunngittoq. Immikkoortortat pisiortuisoqarfiit, tuniniaasut nittarsaassisullu nunatsinni suliffeqarfiit akornanni ingerlanneqartarput. Taamaammat qularutiginngilarput Kalaallit Nunaanni sulisunik piginnaanilinnik suliamut atorfinitsitsisinnaanissarput, Marie Fleischer, Mittarfeqarfinni pisortaaneq oqarpoq.

Mittarfeqarfiit nalunaarutigivaat piffissaq qaninnerpaaq atorlugu atorfiit inuttassarsiuunneqassasut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER