aatsitassat

Aatsitassanut aqutsisoqarfiup Kinami isumaqatigiissuteqarnissamut periarfissaqartoq takusinnaavaa

Kalaallit Kinami aatsitassarsiortunik soqutiginnilersitsiniarlutik amerlanerusunik paasissutissiipput

True North Gems Greenland, TNG, rubinmine, Qeqertarsuatsiaat
De to samarbejdsaftaler på råstofområdet, der blev indgået i Kina sidste uge, kan være med til at bane vej for yderligere kinesisk involvering i Grønland

Sapaatit akunnerani kingullerni Kinami aatsitassarsiornikkut suleqatigiinnissamik isumaqatigiissutit marluk Kinamiut Kalaallit Nunaanni akuunerulernissaannut aqqusitissiuussisinnaapput.

Taama naliliivoq Aatsitassanut naalakkersuisoqarfimmi pisortaq Jørgen T. Hammeken-Holm sapaatit akunnerinik marlunnik sivisussusilimmik tikeraaqataasoq.

– Suleqatigiinnissamik isumaqatigiissutit marluk naalakkersuinikkut tuniniaavimmilu Kinami aatsitassarsiornermut isernissamut nukittorsaataapput. Siunissami Kinami tigussaasunik attaveqaateqalernissamik ussassaarinissamillu annertuumik neriuuteqartoqarpoq, Jørgen T. Hammeken-Holm Sermitsiamut akissummini allappoq.

Isumaqatigiissut siulleq tassaavoq Kinami Nunamut Pisuussutinullu Ministereqarfimmik paasissutissat paarlaateqatigiissutiginissaannik isumaqatigiissut. Nunanik allanik suleqatigiinnissamik isumaqatigiissutitut ittumik peqarpoq, sapaatillu akunnerani kingullermi isumaqatigiissummi naatsorsuutigineqarpoq sukkasuumik aallartissinnaanissaq, Jørgen T. Hammeken-Holm naapertorlugu.

Niuernermullu pilersaarutini Aatsitassanut Naalakkersuisoqarfiup aamma siunniuppaa paasissutissanik paarlaateqatigiinnissamik isumaqatigiissuteqartoqaqqissasoq nunami ingerlatseqatigiiffinnik allanik aamma kajumilersitsinnaaniarluni.

China Mining Associationimik (CMA) Kinami aatsitassarsiornerup iluani suliaqartut tamarmik tamakkiisumik suliniaqatigiiffianik ataatsimiinnermi qaninnerusumik suleqatigiinnissaq isumaqatigiissutigineqarpoq Kinami aatsitassarsiorfinnut matut ammaneqarnissaannik siiunertaqartumik.

Tikeraarnermi aamma Beijingimi qallunaat aallartitaqarfiani kalaallit aatsitassanut ulloqartitsipput.

Tamatumani siunertaavoq aningaasaliiumasinnaasut Kalaallit Nunaanni aatsitassaqarnermik paasisaqarnerunissaat.

Allaaserisaq tamakkerlugu Sermitsiaq avisiimi atuarsinnaavat. Aviisi uani pisiarisinnaavat:

Powered by Labrador CMS