Skip to main content

Perorsaasut pillugit sakkortuumik oqallinneq sallunik tunngaveqartoq

Kommuneqarfik Sermersooq naapeqatigiittarfinni eqqunngitsuliornerpassuit takusaqattaarpai. Qulequtaq oqallisigineqangaatsiartoq tassaavoq perorsaasunik amigaateqarneq akissaasersuinerlu

Oqallittut arlallit oqaatigaat, perorsaasut qallunaat tikisitat atorfinitsinneqarnerminni akissarsianginnerullutillu atorfimmut atatillugu ajornannginnerusumik pissarsisinnaasut.

Ilumuunngitsoq

Tamanna kommuneqarfiit pingaasersaasa ilumuunnginnerarpaa perorsaasullu kattuffiata NPK'p taperserpaa.

- Sumi inunngorsimaneq aallaavigalugu akissarsiaqartarnerup atorunnaarsinneqarnera kattuffitta 1991-imi siullersaallutik atulersippaat. Tassa ukiuni 26-ni asssigiimmik akissarsiaqartitsisarpugut, taamaattumik ilugersunarpoq ilaasortatta soqutigisaannik eqquutsitsinngittutut pisuutinneqarnerput, perorsaasut kattuffiannit NPK'minngaanneersoq Naussúnguaq Bisgaard oqarpoq.

Kommuneqarfik Sermersuumi Meeqqanut Atuarfeqarnemullu ingerlatsiviup pisortaata, Helene Broberg Berthelsenip eqqunngitsunik paasissutissiisoqarsimanera ilugersunartutut aamma tiguaa. Taanna isumaqarpoq eqqunngitsunik paasissutissiinerit paaqqinnittarfinni sulisut sulinerinut akornutaasinnaasoq, kommunip tusagassiiuutinut nalunaarutaani allassimavoq.

Eqqunngitsunik siammarterinerit aserorsaataasut

- Meerartatta piutsaasumi paaqqinnittarfiittarnissaat pillugu sulisussarsiortarnerput aaqqiissuteqarfiginiarsaraarput, taamaattumik assigiinngitsunik akissarsiaqartitsisoqartarneeranik oqalunnermi perorsaasut inuusuttut pikkorissullu sulersussuseqarunnaarsinneqarput. Taamaattumik eqqunngitsunik siammarterisunut paaseqqunarpoq tamassuma kingunipilorisinnaasaat eqqarsaatigeqqullugit, Helene Broberg Berthelsen oqarpoq.

- Meeraaqqerivinni meeqqerivinnilu 0-miit 6-nut ukiulinnut paaqqinnittarfinni perorsaasut 57-it inissaqartinneqarnissaat ukiuni kingullerni marlunni isumagivarput. Inissisiaq ataasiinnavik Danmarkimiit tikisitamut innersuunneqarluni, Helene Broberg Bertelsen paasissutissiivoq.

Nuummi paaqqinnittarfinni perorsaasut 104-t ullumikkut atorfeqarput. Taakkunannga sisamaannaat Kalaallit Nunaanni inunngortuunatik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER