Tele-Post

Imaatigut kabelimi sulineq attaveerutsitsisassaaq

Sap. ak. 43-p 44-llu nalaani Nuup kujataani internetillit internetimut attavimmik pitsaassusaanut tunngatillugueqqugaasussaapput. Piffissami tassani interneti nalinginnaasumit sukkaannerullunilu attaveeruttassaaq.

Piffissami aggersumi internettikkut attaveqaatit attaveequteqattaaqqissaapput.

Nuummiit Aasiannut imaatigut kabelimik talliliinermi pilersaarutaasumik suliaqarnermi, imaatigut kabelimut pioreersumut attaviliinissamik tamanna pissuteqarpoq. Suliaqarnissap tamatuma kingunerissavaa kabelip Qaqortup tungaanut ingerlasup qaminneqarnissaa, Tele-Post tusagassiuutinut nalunaarummi paasissutissiivoq.

Forlængelsen er snart klar

- Piffissami tassani sullitatsinnut ajoqusersuutaasinnaasut ajuusaarutigaagut. Allannguutinik annertuunik taamatut
ittunik suliaqarnermi tamakku suliamut ajoraluartumik ilaapput. Suliap tamaangarujussuaq killissimanera
naammassingajalerneralu tulluusimaarutigeqaagut, Teknikkimut IT-mullu pisortaq Jonas Hasselriis oqarpoq.

Ukioq manna ukiassariartulernerani ukiarneranilu kabelimi aserfallatsaaliisoqarpoq, tamannalu ilutigalugu Nuummiit
Aasiannut kabelimik talliliisoqarluni. Imaatigut kabelimik talliliinerup oktoberip naalernerani naammassinissaa
naatsorsuutigineqarpoq.

Kabelimi suliaqarneq ullut arfinillit missaannik sivisussuseqassasoq, Tele-Post paasissutissiivoq.

- Attaveerutsitsinissamut ullut sorliorpiarnissaat maannakkut suli aalajangerneqanngillat, suliffeqarfik nalunaaruteqarpoq.

Powered by Labrador CMS