Nersornaat
Kuupik Kleist akimasumik nersornaaserneqalertoq
Naalakkersuisut siulittaasorisimasaat Dronningimit Ebbe Muncks Hæderspris tigussavaa
Kuupik V. Kleistip assuutini saqqummeriaannanngorpai. Pingasunngornermi novembarip arfineq-pingajuanni dronningimit tunineqassaaq.
Tassani Ebbe Muncks Hæderspris pissarsiarissavaa.
Aningaasaateqarfiup Kuupik V. Kleist 'malunnaatilimmik Namminersornerullutik Oqartussanit Namminersorlutik Oqartussanut ikaarsaarnermi kalaallinut inuiaqatigiinnut sullissineranut, tassanilu naalagaaffeqatigiinnerup iluani suleqatigiinnerup ineriartortinnerani nutarsaanermilu pimoorussineranut' toqqarsimavaa.
Akissarsititsineq Minik Rosingimit kajumissaatigineqarpoq, Ebbe
Prisuddelingen motiveredes af Minik Rosing, aamma Ebbe Muncks Hædersplakette bronzemik assilialiortartumit Knud Nellemosemit ilusilersugaq Dronningimit tunniunneqassaaq.
Ebbe Muncks Hæderspris 1975-imi pilersinneqarpoq, inunnullu tusagassiortup isertortumik akiuisup, diplomatip aamma kunngikkormiuni pisortap Ebbe Munckip immikkut soqutigisaanut, tamatumunnga ilanngullugu Kalaallit Nunaanni paasissarsiorneq, danskit nunani allani atuunnera, Danmarkip kiffaanngissuseqarniarluni sorsunneranut aamma tusagassiornermut sulinermi suliaqartunut tunniunneqartarpoq.