Umiarsuaq
Pinngortitaleriffik eqqissiallattoq – millionilikkuutaanik akiliiniaruunnaartoq
Umiarsuaq ilisimatusarnermut atorneqartoq "”Pâmiut” ajoqusingaatsiarnerata Pinngortitaleriffiup sillimasiisarfianit akilerneqarnialermat, pisortaaneq Klaus Nygaard eqqissiallaqqaqaaq.
Kilisaatip atortuisa arlallit ajoutoornera Pinngortitaleriffiup aqutsisuisa ernumassutigisimaqaat.
Apeqqutit nalorninartut
Apeqqutaasimavormi:
Akiligassaq qanoq annertutigissava?
Akiligassaq akilerumallugu sipaarniarnerujussuarmik ingerlatsisoqalissava?
- Qujanartumik ajutoornermi sillimmasiisarfitsinniit akilerneqartussanngortut paasinarsivoq, taamaammat nammineq taarsigassaq 500.000 koruuneqarluni akikinngitsoq kisiat akilertussanngorparput, Pinngortitaleriffimmi pisortaaneq Klaus Nygaard, Sermitsiaq.AG'mut paasissutissiivoq. Akiligassaq, Pinngortitaleriffiup soraarsitsinikkut sipaarniuteqanngikkaluarluni akilersinnaasaa.
Umiartornerit taamaatinneqartut
Ajutoornerullu kingunerisimavaa, qalerialinniarnerit taamaatinneqartariaqarsimaneri sisamanngornermilu Tunup sineriaani umiartornissaq.
- Soorunami paasissutissat pissarsiarinngitsuuleratsigit uggornaqaaq, pisortaaneq nassuiaavoq.
Umiarsuaq sapaatip-akunnerini pingasuni Islandip amutsivianiittariaqarsimavoq suliaritilluni. Massakkulli umiartoqqilerpoq Nuullu qimaqqammerlugu.
Umiarsuatoqaq
Umiarsuaq 1971-imi sanaajuvoq Pinngortitaleriffiulli 1996-imi Royal Greenlandimit pisiaraa, pisiarinnginneranilu ”Pâmiut” attartuinnarsimangaluarlugu.