Sundhed

Qeqqata Kommunia suliffeqarfinni peqqissutsikkut siuarsaaniartoq

Qeqqata Kommuniani sulisut 19-t inuummarissaasutut ilinniarnermik naammassisaqarput

ni sulisut pikkorissarnermut peqataasimasut uani takuneqarsinnaapput. Qeqqata Kommunia

Suliffeqarfimmi peqqinneruneq siuarsarniarlugu Qeqqata Kommuniani sulisut inuummarissaasutut ilinniarnermik ingerlatsereerput.

Inuummarissaasutut ilinniarneq CSR Greenlandimit, Peqqissutsimut Naalakkersuisoqarfik kiisalu Kalaallit Nunaanni Timersoqatigiit Kattuffiat suleqatigalugit aaqqissuunneqarpoq,
2017-imi ilinniarneq Nuummi ingerlanneqaqqaartussaammat, 2018-imi avannaatungaani ingerlanneqarnissaanik pilersaarutaasimagaluarpoq.

Peqqinneq Kommunalbestyrelsimut nutaamut kiisalu suleqatigiinnissamut isumaqatigiissummi pingaartinneqarmat, ilinniartitsissutip 2017-imut siuartillugu
ingerlanneqarnissaa Qeqqata Kommunianit kissaatigineqarsimavoq.

- Taamaattumik Qeqqata Kommunia 19-inik peqataateqarsinnaanerminik nuannaaruteqarpoq, peqataasut Utoqqaat Angerlarsimaffianit, atuarfinnit, meeqqerivinnit allaffeqarfimmiillu aggerfeqarput, peqataasullu taamaalillutik suliffeqarfimminnut peqqinnissaq pillugu paasisimalikkaminnik nutaanik tunniuissaqarsinnaalissapput aammalu suleqatiminnut ilaquttaminnullu peqqinnissakkut suliniuteqarsinnaalerlutik, kommuni tusagassiuutinut nalunaarummi allappoq.

- Tunissummi annerpaaq uagutsinnut tunniunneqartoq tassaavoq peqqinnissarput. Ajoraluartumik atuartuutigut peqqinngitsumik inuuneqaleriartornerat takusinnaavarput,
taamaattumillu inuummarissaasunik ilinniartitsinermik suliniuteqartoqarneranuannaarutigaara, kommuni borgmesteri Malik Berthelsen oqarpoq.

Pikkorissartitsineq Sisimiuni kulturip illorsuani Taseralimmi ingerlanneqarpoq, Qeqqata Kommunianiillu tamanit peqataasoqarluni.

Pikkorissaanermut ulluni marlunni sivisussuseqartumut, Sisimiuni, Maniitsumi nunaqarfinniillu meeqqerivinnit, atuarfinnit kommunimiillu sulisunit peqataasoqarpoq.

Powered by Labrador CMS