Skip to main content

Benedikte puisip amianik pooqattamik mersukkamik tunisippoq

Dronning Margrethep illussaarsuup saavata illuatungaani Estlandip præsidentianit pulaarneqarnerani, prinsesse Benedikte riddersalimi Tunumi atuartunik pulaartoqarpoq.

Kalaallit qallunaallu meeqqat atuarfiani atuartut pissangallutik Christian VIII-p illussaarsuaaraani Amalienborg Slotimut iserput, tassani prinsesse Benedikte pingasunngornermi ullaap tungaani illussaarsuarmut qaaqqusisimavoq.

Nammineq oqalugiartoq
Prinsesse siornatigut Gentofte Grønlands Komitémi illersuisuusimasoq, ullormut pulaarneq meeqqanut oqalugiarluni aallarnerpaa, ilaatigullu Danmarkip Kalaallit Nunaatalu ataqatigiinnerat, taamatullu Tasiilap Gentoftellu ataqatigiinnerat oqaaseqarfigai.

Pisarneq malillugu Tasiilami atuartut prinsessemut ukiumoortumik tunniussaqarput, ukiormannalu puisip amianik pooqattaaraq tunniunneqarpoq - tunissut Benediktep tulluusimaarluni riddersalimi takutippaa.

Kalaallit erinarsuutaat marluk prinsessemut atorneqarput, atuartullu kingorna mamartunik sassaallerfigineqarput, ilaatigut taakku 'kunngikkormiut kuglepenniannik' niaqorutitalimmik imaqarpoq.

Assiliisaqattaartut
Prinsessemut pulaarneq akunneq ataatsimik sivisussuseqartoq, sakkutuut paarsisut paarlaannerannik naggaserneqarput, tassanilu mobilimik assiliisaqattaartoqarpoq. Ulloq nuannersoq, atuartut puigorallarunnanngisaat.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER