Nuummi Rock Festival
Nuummi rockfestivalertitsinissamut katersuiniarneq
Illoqarfiit pingaarnersaanni rockfestivalertitsinissaq sulissutigineqalerpoq
Nuummi nutaamik nipilersornermik festivalertitsisoqariaannaavoq.
Heca, illoqarfiit pingaarnersaanni imerniartarfiutaani amerlasuunik tusarnaartitsisarnerminik ilaatigut ilisimaneqartoq, piffissami sivisuumi aaqqissuulluakkamik Nuummi sakkortuumik metal rockimik kalaallisut rock festivalertoqarnissaanik kissaateqartarsimavoq.
Rockfestival, Hecami pisortap, Nicolai J Nissenip aaqqissuutissallugu sinnattorisaa, piviusunngortinnissaanut 150.000 koruunit missaani akeqarpoq.
- 1. november nallertinnagu 50.000 koruunit katersisoqarsinnaappata sinnera Hecap akilersinnaallugu oqaatigaa, taamaasillunilu rock festival piviusunngussalluni, taanna tusagassiuutinut nalunaarummi oqarpoq.
Februari anguniarneqartoq
Pisortaaneq kalaallit nipilersuusiaannik nuannarisaqarluinnartoq suna tamaat akiginiarsaraa, 21. oktoberilu nallertinnagu 50.000 koruunit katersorneqarsinnaappata umerlumigut iverusertinniarpoq.
- 21. oktoberi nallertinnagu anguniagarput angussagutsigu 1. november nallertinnagu umerlukkut iverusertissaanga, nipilersoriaaserlu rockerpalaartoq ataqqiniarlugu festivalip februarimi naammassineqarnissaa tikillugu iverut atussavara, Nicolai J Nissen neriorsuivoq.
Nanoq Media kalaallisut rock festivalertitsinissamut SMS-serveriutini ikiuutitut atukkiukkusuppaa, taamaasillluni Nuummi rock festival aaqqissuulluagaasoq amerlanerpaamik kalaallit nipilersortartuinik ikinnerpaamillu nipilersoqatigiinnik nunanit allaneersunik ataatsit peqataaffigineqarsinnaasoq, kikkut tamarmik tapersiiffigissallugu periarfissinneqassapput.