Skip to main content

Aleqa: - Tunngaviusumik inatsisissamut ataatsimiititaliaq aqqutissap ilagiinnarpaa

Folketingimmi oqallittoqarnerani Kalaallit Nunaata namminiilivikkiartornera eqqartorneqangaatsiarpoq

Kalaallit Nunaat namminiilivikkiartornera, Aleqa Hammondip (A) Folketinngimi oqallinnermi iserfigisaasa siullersaraat.

- Erseqqissumik oqaatigissavara Kalaallit Nunaat allanngortinneqarsinnaanngitsumik nammineq aalajangiisinnaaneruleriartorlunilu namminiilivikkiartormat, taanna oqalugiaammini oqarpoq.

Ilanngullugu nersualaarpaa Namminersornermut inatsisit, taassuma naliliineratut Danmarkip Kalaallit Nunaatalu tulluusimaarutigisinnaasaat.

- Inatsit, nunat marluk qanoq suleqatigiissinnaanerinik paaseqatigiinnikkut ataqqeqatigiinnikkullu tunngaveqartumik avissaariartorfiusoq, nunarsuarmi pitsaanerpaatut isiginiarneqarpoq.

Aningaasaqarneq paasinarsarusukkaa

Namminiilivinnissamut apeqqut – tupaallaatigineqanngitsumik – Danske Folkepartiiminngaanneersoq Søren Espersnip oqaaseqarfiginngitsuunngilaa. Taanna isumaqarpoq tunngaviusumik inatsisissamut ataatsimiititaliami aningaasaqarnerup eqqartorneqarnissaa pingaarnerpaasariaqartoq.

- Namminiilivinnerup kingorna Kalaallit Nunaata aningaasaqarnera isumalioqatigiissitami erseqqissaassutigineqannginnera eqqumiiginarsinnaavoq, taanna ministeriuneq Lars Løkke Rasmussenip anngaalluni sanimini issiasoq oqarpoq.

Akissutaanngitsoq

Aleqa Hammond (A) akissuteqarpoq, tunngaviusumik inatsissamut ataatsimiititaliap sulinera akissutitut isiginagu.

- Kalaallit Nunaata namminiilivikkiartornerani ersarissumik najoqqutassiorneqarnissaa suliassap ilassaatut isigaaraa, taanna oqarpoq.

- Akisussaaffeqannginneq

Akissutigineqartorlu Søren Espersenip (DF) naammaginngilluinnarpaa. Taassuma tikkuarpaa, Kalaallit Nunaat aqagu namminiilissangaluarpat aningaasaqarnermut ministereqarfiup ilimagisaatut kalaallit akileraartartuisa ukiumut 250.000 koruuninik akiliisalernissaat.

- Isumaqarpunga tamanna siullerpaatut suliariniarneqarsimannginnera akisussaaffeqanngilluinnarnerusoq, taanna oqarpoq.

Namminiilivinnissaq assigiinngitsunik isigineqartoq

Aleqa Hammondip (A) Kalaallit Nunaata aningaasaqarneranut nukittorsarnissaanut periarfissanik arlalinnik takusarpoq. Taannami isumaqarpoq imartat annertoorujussuit suli atorluarneqarsimanngitsut. Tamanna aamma takornarialerinermut aatsitassalerinermullu atuuttoq oqaatigaa, Søren Espersenillu (DF) ullormi nikaginnilluni eqqartuinera tikkuarlugu.

- Assigiinngitsunimmi isiginnittariaaseqarpugut Kalaallit Nunaat namminiilivissanersoq namminiilivissannginnersorluunniit.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER