Trikinit

Trikininik misissuineq taamaatinneqartoq: Tunillatsinnginnissat nammineq akisussaaffigilerpat

Oqartussat trikininik misissuisarnerup takutippaa, nalileruminaatsinneqarlunilu neqit misissorneqartut trikineqarnersut trikineqannginnersulluunniit. Taamaattumik trikininik misissuineq atuisunut toqqissisimassutigineqarneq ajorpoq.

Kød fra isbjørne, hvalrosser og sæler skal altid gennemsteges eller koges for at undgå trikinsmitte.

Kalaallit Nunaanni Uumasunut Nakorsaqarfik Inuussutissalerinermullu Oqartussaaffik nannut aarrillu neqaannik trikinimik misissuineq taamaatippaat. Uumasut taakkua marluk 1966-imiillu trikinimik misigissugaalernerat atuutsilersinneqarsimavoq, massakkullu nalunaarut pisariaarutsinneqarmat atuutsinneqarunnaarpoq.

Misissuineq nalileruminaatsoq

- Trikininik misissuisarnerup takutippaa, nalileruminaatsinneqarlunilu neqit misissorneqartut trikineqarnersut trikineqannginnersulluunniit. Taamaattumik trikininik misissuineq atuisunut toqqissisimassutigineqarneq ajorpoq, Kalaallit Nunaanni Uumasunut Nakorsaqarfik Inuussutissalerinermullu Oqartussaaffik, tusagassiuutinut nalunaarummi paasissutissiivoq.

Kisianni nannut, aarrit, puisit allallu nersutit qaasuttut neqaannit trikinimik akulinnik pinaveersaarnissaq atuisut nammineq isumagisarilissavaat.

Oqartussat paasissutissiipput, neqi sakkukinnerpaamik 75 celsius gradinut qalatsinneqassasoq. Neqi qalatsilluarneqarsimasoq trikininik tuniluussinnaasunik aarlerinartuerutissaaq. Neqi qalatsilluarneqarsimasoq sialluarneqarsimasorlu qasertumik imaluunniit qasertumik, kajortumik qalipaateqartarpoq.

Qerititsineq panertitsinerluunniit naammanngitsoq

Neqinillu qerititsinikkut panertitsinikkulluunniit trikinit quperluisa toqqutsigineq ajoraat aarleqqutigineqarpoq. Quperlut nillertumut silaannarmullu panertumut naleqqussarsimasuugamik. Taamaattumik qularnaavillugu trikininik tunillatsittoqassanngippat neqi uunneqassaaq, qalatsilluarneqarluni imaluunniit sialluarneqarneqarluni.

Powered by Labrador CMS