Skip to main content

Ilanngaaserisoqarnermik oqartussat pingasut isumaqatigiissuteqartut

Savalimmiuni, Islandimi Kalaallillu Nunaanni ilanngaaserisoqarnermik oqartussaasut akornanni anguniagassatut nalunaarummik atsioqatigiittoqarpoq

Akileraartarnermut Aqutsisoqarfik Islandimi Savalimmiunilu ilangaaserisoqarnermik oqartussaasut peqatigalugit ilanngaaserisoqarnikkut anguniagassatut nalunaarummik atsiorput, Namminersorlutik Oqartussat taama ilisimatitsipput.

- Anguniagassatut nalunaarummi Atlantikup avannaani ilanngaaserisoqarnikkut oqartussaasut akornanni suleqatigiinneq erseqqissaatigineqarpoq periarfissiillunilu paasissutissanik immikkullu ilisimasanik avitseqatigiittarnissamut, Namminersorlutik Oqartussat taama nalunaaruteqarput.

Sammineqartut pingaarnerpaat tulliuttut nalunaarummi pingaartinneqarsimapput:

  • qimminik ikiaroornartulerisitsineq
  • nioqqutissanik misissuilluni qinnguartaasarneq piviusumillu nakkutilliineq
  • mianernartunik misissueqqissaarneq periutsinillu nakkutilliineq
  • atortunik immikkut ittunik pisineq
  • sungiusarneq aamma Sulisoqarnikkut ajornartorsiornerit
  • aqutsinermik aamma ersarissuunissamik periutsit

Ukioq allortarlugu naapittassasut
Ilanngullugu oqartussaasut ukioq ataaseq qaangiukkaangat qullersatigoortumik ataatsimeeqatigiittarnissamut pisussaaffeqarput ataatsimoorussamik ilanngaaserisoqarnikkut periaatsip oqaluuserineqarnissaa siunertaralugu.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER