Skip to main content

Vittup Aleqa uterteqqikkusuppaa

Namminersulivinniarnermi nukiit tamarmik pisariaqartinneqartut Vittus Qujaukitsoq isumaqarpoq Aleqa Hammondillu Siumumut uternissaa kissaatigalugu. Partiip anguniagai nutarterneqalerput

Siumumi siulersuisuunerit partiip anguniagaasa nutarternerat naammassilerpaat tassanilu pingaarutillit ilagivaat namminersulivinnissamut tunngasoq. Partiip anguniagai kingullermik 2001-mi 2008- milu nutarterneqarput. Tassunga peqatigitillugu Folketingimi attaviitsutut ilaasortap Aleqa Hammondip Siumumi ilaasortanngoqqinnissaa anguniarneqarpoq. 

Kingullermik siunnersuuteqartoq tassaavoq Vittus Qujaukitsoq Siumut Nuummi siulittaasutut qinigaarlaaq. Taanna isumaqarpoq oqallissutaasaqisoq Aleqa Hammond namminersulivinniarluni suliniarnermi nukittorsaaqataasinnaasoq. Taamatut ujartuineq partiip sineriammi immikkoortoqarfiinut apuutereersimavaa email oqarasuaatikkullu attaveqartarnerit atorlugit. Taamatut iliorpoq ilisimaneqartutut Siumup ataatsimeersuarnissaani Kim Kielsen siulittaasutut unammillerniarlugu nalunaareerami. 

- Assorujussuaq eqqarsarnarpoq Siumup Folketingimi ilaasortaatitaqannginnera. Tamanna pingaarutilerujussuugaluarpoq namminersulivinniarneq ukiuni makkunani oqallisaammat. Taamaattumik Aleqa Hammond Siumumi ilaasortanngoqqinnissamik piaarnerpaamik neqeroorfigineqartariaqarpoq, Vittus Qujaukitsoq oqarpoq isertuaranilu oqaatigalugu namminersulivinniarnermut Kim Kielsenip isummersorneranut akerliunini. Suliaq paamaarunneqarpallaartoq, Vittus Qujaukitsoq isumaqarpoq.

- Nukiit tamaasa pisariaqartippavut Aleqa Hammondilu aamma tassaavoq Nunatta pisariaqartitaa, siulittaasumut unammillertoq oqarpoq, isumaqarlunilu namminersulivinniarnermi ataqatigiinnissaq pisariaqartoq. 

Taassuma AG-mut ilisimatitsissutigaa piffissami qanittumi Aleqa Hammond attaveqarfigiumaarlugu. 

Vittusip ilersaarutai pillugit AG atuaruk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER