Skip to main content

Raajanik tunisassiorfimmi sulisoq ipilluni ajunaartoq

Polar Seafoodip Aasianni tunisassiorfiani sulisoq inuusuttoq imaanut nakkarnermini ipilluni ajunaarpoq

Polar Seafoodip Aasianni tunisassiorfiani sulisoq inuusuttoq sulitilluni ajunaarpoq.

Sulisoq tunisassiorfiup eqqaani imaanut nakkarsimavoq, ipillunilu ajunaarluni. Polar Seafoodip siulersuisuini siulittaasoq Henrik Leth Sermitsiaq.AG-mut taama ilisimatitsivoq.

- Qanorpiaq pisoqarsimanera suli ilisimanngikkaluarparput, politiilli Sullivinnullu Nakkutilliisoqarfik sapinngisarput tamaat atorlugu paasissutissanik tuniorarpagut, ajutoorneq qanoq pisimanersoq paasineqarniassammat, Henrik Leth oqarpoq.

- Suliffeqarfitsinni tamani sillimaniarneq pingaartinneqarluinnarpoq, taamaammallu tamatta - Aasianni fabrikkimi, Polar Seafoodimilu sulisuusugut tamatta tupaqqaqaagut - suleqaterput pikkorissoq taama alianartigisumik annaagatsigu.

- Ajunaartup qimataanut eqqarsaatigut ingerlatippagut, ilaqutaasunullu misiginneqataanerput apuukkusupparput, Henrik Lethip naatsumik nalunaaruteqarnini taama naggaserpaa.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER