Skip to main content

Islandimi kalaallit aallartitaqarfiannik siunnersuut oqaluuserineqassaaq

Kalaallit aallartitaqarfiannik pilersitsinikkut qeqertap sanilerisap suleqatiginera nukittorsarneqassaaq

Kalaallit Islandimi aallartitaqarfeqalernissaannut siunnersuut Inatsisartut marlunngornermi siullermeerlugu suliarissavaat.

- Pitsaasumik sanileriinnerup ineriartornera qulakkeerniarlugu aamma Kalaallit Nunaannut inuiaqatigiinnullu kalaallinut qulakkeerunniarlugu Islandimit suleqatigiinnermi sapinngisamik annertunerpaamik iluanaaruteqarnissaq pitsaaquteqarnissarlu pissasoq, Naalakkersuisut allapput.

Inuussutissarsiornermut, Suliffeqarnermut, Niuernermut, Nukissiuuteqarnermut Naalakkersuisoq, Hans Enoksen (PN) siunnersuummik saqqummiussissaaq.

Suleqatigiissutigineqartut arlallit
2013-imi Islandip aamma Kalaallit Nunaata akornanni ataatsimoortumik nalunaarutip atsiorneqarneratigut, nunat marluusut akornanni Islandimit suleqatigiinneq ukiuni kingullerpaani pitsanngortinneqarsimasorujussuuvoq, oqartussaaffiit suleqatigiiffigineqarsinnaasut sunaassuserneqarsimapput aalajangersimasumillu suleqatigiinneq oqartussaaffitsigut arlalitsigut pilersinneqarsimalluni.

- Kalaallit Nunaata Island-illu akornanni ukiumoortumik atortuulersitsiniarluni ataatsimiittoqartarpoq ataatsimoorussamik nalunaarummut malinnaaviginninnertut nalunaarummi pingaarnerutillugit suleqatigiiffiusinnaasut sunaassuserneqarnerisa atortuulersinneqarnissaat siunertaralugu taakkununnga ilanngullugit aalisarnermi, peqqissutsimi, takornariaqarnermi, niuernermi aamma uumasut nakorsaqarnermi annertunerusumik suleqatigiittoqalernissaa angujummallugit, siunnersuummi erseqqissaatigineqarpoq.

Periarfissat arlallit
Ataatsimiinnerit aamma tunngaviliisimapput suleqatigiiffiusinnaasut nutaat sunaassusersineqarnissaannut ilaatigut avatangiisitigut aamma attaveqaasersuutitigut kiisalu paasissutissanik ilisimasanillu avitseqatigiittarnikkut aamma oqartussaaffinni ataatsimoortumik soqutigineqartutigut taakkununnga ilanngullugit nunanut allanut aamma niuernikkut politikkimi aamma Issittoq pillugu apeqqutini.

- Taakkununnga ilaavoq Kujataani nunalerinermik inuussutissarsiuteqarneq Islandimit qanimut suleqateqarnikkut ineriartortinneqarnikuummat.

- Taamaasilluni Reykjavikimi sinniisoqarfik Naalakkersuisut aamma allaffissornikkut ingerlatsisut pingaartitaannut, nukissaanut piginnaasaannullu naapertuullutillu atassuserneqassasut peqataasinnaallutillu Islandimit suleqatigiinnerit pioreersut aserfallatsaalinissaannut, kiisalu peqataaqataassalluni Islandimut pingaarutilittut naalakkersuinikkut niuernikkullu attaveqarnerit ineriartorteqqinnissaannut nukittorsarnissaannullu, tamakku naatsorsuutigineqarput Kalaallit Nunaannut inuiaqatigiit aningaasarsiorneratigut iluaqusiisinnaasutut, Hans Enoksenip Naalakkersuisut sinnerlugit siunnersuutaa taamaappoq.

Pilersitsinermut ingerlatsinikkut aningaasartuutinut tamakkiisumik aningaasartuutit missingerneqarput ukiumut 2,5 millionit koruunit missaannut.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER