Skip to main content

D Tunngaviusumik inatsisissaq pillugu isumalioqatigiissitami ilaasortassamik suli toqqaanngitsut

Tunngaviusumik inatsisissaq pillugu isumalioqatigiissitami suna siunertarivinneqarnersoq paasitinneqarsimanatik, Demokraatit isumaqarpoq. Taamaammalli tassani suleqataarusunngikkallarlutik.

Ippassaq Tunngaviusumik inatsisissaq pillugu isumalioqatigiissitaq saqqummiunneqarmat, Demokraatit isumalioqatigiissitami ilaasortaatitaqanngillat.

Taamaattoqaannarallassasorli, partiip siulittaasua Randi Vestergaard Evaldsen, Sermitsiaq.AG-mut oqarpoq.

- Tunngaviusumik inatsisissaq pillugu isumalioqatigiissitami sorpiaat suliarineqassanersut paasitinneqarsimanngilagut, taamaammat tassani kina ilaasortassatut piukkunnerlutigit oqaatigisinnaanngikkallarparput, taanna oqarpoq.

Atuaruk: Tunngaviusumik inatsisissaq pillugu isumalioqatigiissitaq maanna inissinneqarpoq

Akissutit ersarittut amigaatigai

Isumalioqatigiissitap suliassaat, suliassaasalu imarisaat pillugit, Demokraatit § 37 naapertorlugu apeqquteqarsimapput. Akissutigineqartulli taakkununnga ersarissimanngillat.

- Tunngaviusumik inatsisissaq pillugu isumalioqatigiissitap suna siunertarineraa iluamik ilisimanngilarput.

- Kalaallit Nunaata namminiilivinnissaanut, Naalagaaffeqatigiinnermullu tunngasutillit immikkut sukkassusilerlugit isumalioqatigiissitami sulisoqassasoq nassuiaaserneqarsimasvoq. Akissut ilissinnut sooq naammanngila?

- Atituumik oqaasertalerneqarsimavoq. Sooq isumalioqatigiissitaq pigissaneripput qanorli suleriaaseqassanersut akissuteqarfigineqarnissaat ujartorparput. Assersuutigalugu angalasarnissat ilanngunneqarsimappat? Randi Vestergaard Evaldsen oqarpoq.

Atuaruk: unngaviusumik inatsimmik suliaqarnerup nuna ataatsimoortissavaa

Siulittaasup akerliusut peqataatikkusuppai

Tunngaviusumik inatsisissaq suliarineqalerpat, Demokraatit suleqataalernissaat, Tunngaviusumik inatsisissaq pillugu isumalioqatigiissitap siulittaasuata, Vivian Motzfeldtip (S) neriuutigaa.

- Oqaluttuarisaanitsinni pingaarutilimmik suleqataanissaannik kaammattorusuppakka. Suliap ingerlanneqarnerani akerliusut peqataatitaqarnissaat pingaaruteqarpoq, taanna oqarpoq.

Tusarnaartuussapput

unngaviusumik inatsisissaq pillugu isumalioqatigiissitap suliassatik kiffaanngissuseqarlutik nammineq inississinnaavaat. Ulluni qaninnerni taakku siullermeerlutik ataatsimeeqatigiissapput.

- Randi Vestergaard Evaldsen, qanoq sivisutigisumik tusarnaartuuginnarsinnaavisi?

- Soorunami oqaloqatigiissutigisarparput. Naalakkersuisut isumalioqatigiissitallu aalaajangiisussaasut, isumaqarpunga. Isumalioqatigiissitap sulerinissaanik oqaluttuunneqarutta tassani kina piukkunnerlutigut paasinarsiumaarpoq. Taamaammat massakkut tusarnaartuinnaangallassaagut, Demokraatit siulittaasuat oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER