Skip to main content

Atassutip siulittaaasuata tullia: Inatsisartunut maanna qinersisoqarli

Naalakkersuisuni taarseraannersuaq naammaleqaaq, Atassutip siulittaasuata tullia, Qulutannguaq Berthelsen, Kim Kielsenimut qinersititsinissamik kajumissaarisoq taama oqarpoq.

- Maanna qinersisoqarli.

Illuatungiliuttut partiiaanni Atassummi siulittaasup tullia, Qulutannguaq Berthelsen taama allappoq, taassuma siornatigut Naalakkersuisut siulittaasorisimasaat, Kuupik Kleist, Inatsisartunut qinersisoqarnissaanik Kim Kielsenimut kajumissaarisoq taperserpaa.

Naalakkersuisut allanngoraqattaarnerannut Qulutannguaq Berthelsen naammatseqqavoq.

Atuaruk: Kuupik Kleist Kim Kielsenimut: Qinersititsiniarit

Toqqissisimannginnermik pilersitsisoq
- Naalakkersuisut allanngorarpallaarujussuaneri naammaleqaat, naalakkersuisup siulittaasua tapersersorneqannginnerata kingunerisaani allanngorarnerujussuaq inuiaqatigiinni aalassatitseqaaq taamatullu toqqissisimananngitsigisumik ingerlatsiinnarniarpat akuersaarneqaqqissinnaanngilaq, partiip illuatungiliuttup siulittaasuata tullia erseqqissaavoq.

Inuttaasut toqqissisimanermik kissaateqartut Qulutannguaq Berthelsenip tikkuarpaa.

- Inatsisartuni avissaartuuttoqarpoq, tamannalu innuttaasuni toqqissisimannginnermik pilersitsillunilu naammaginnikkunnaarsitsivoq.

- Naalakkersuisooqataasut Inuit Ataqatigiit Partii Naleralu amerlanerussuteqartitsiinnarnerat paasiuminaappoq, inuiaqatigiit qinerseqqinnissamik piumasaqarnerat tusaanngitsuusaarneqarsinnaanngilaq, Qulutannguaaq Berthelsen oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER