Skip to main content

Hashimik tuniniaasut tunuliaqutaat tiguarneqassapput

Imarpik ikaarlugu angallatinik angalasunik kilisaatinilu nakkutilliinissami ilanngaaserisut ikippallaartut Siumut isumaqarpoq. Takornariallu avaqqunneqassanngillat: - Takornariat angallataat tamamik nakkutigineqassapput, Karl-Kristian Kruse isumaqarpoq

Ukiup aallartinnerani aalisariummi Kalaallit Nunaannut ingerlaartumi annertuumik hashimik nassaartoqarnera tupassutaasimassagunanngilaq taamaattorli naalakkersuinermik sulialinnut oqartussaasunullu eqeersaataassimassalluni.

Aamma atuaruk: Fontain: Ilulissani hash ajornartorsiutaavoq

Siusinnerusukkut aalisarnermut Naalakkersuisoq Karl-Kristian Kruse naapertorlugu maannakkut inatsisaatsuliorluni aingallannerup unitsilluinnarneqarnissaa pisariaqarpoq. Isumaqarpoq aaqqiissutissat ilagisinnaagaat anngiortumik eqqussiniarneq paasiniarlugu ilanngaaserisut amerlisariaqartut; ilanngaaserisut aamma nunanit allaniit iluanaarniat nunatsinni hashimik tuniniaanermut tunngasumik iluanaarujussuarnissamik misiliiniarnissaat nangaanarsitissavaat.

Inatsisartut upernaakkut ataatsimiinneranni Siumumiit naalakkersuinermik suliaqartup anngiortumik eqqussiniartut amerlanerit tiguartalersinnaanissaannut qanorpiaq iliuuseqarnissamik paasiniaanissamut siunnersuut akuerineqartinniarsarissavaa. Sukkasuumik iliuuseqartoqarnissaa pisariaqarpoq, Karl-Kristian Kruse isumaqarpoq, hashimik atornerluinermi meeqqat inuusuttullu akuunerujartortillugit:

Ernumanartoq
- Paasivarput aanngajaarniutinik navianartunut atuinermi meeqqat inuusuttullu amerlanerujartortut. Tamanna annertuumik ernumanarpoq, tarnimikkummi nappaateqalersinnaapput. Taamak amerlatigisut ajoqusernissaat akissaqartinngilarput, aalajangiiffigisassatut siunnersuummini allappoq.

Allaaserisaq tamaat aamma Karl-Kristian Krusep siunnersuutaa AG-mi atuaruk, uani ataani linki atorlugu isissutissamut akiliillutit atuarsinnaavat: 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER