Skip to main content

Qaasuitsoq Avannarlermi Siumup Naleraq suleqatigerusukkaa

Qaasuitsoq Avannalermi isumaqatiginninniarnerit. Siumup Partii Naleraq isumaqatigiissuteqarfigerusuppaa.

Kommunit avannarlersaanni Siumup Partii Naleraq suleqatigissallugu orniginartinneruaa.

- Partiit tamaasa eqqartueqatigisimalerpavut, tamannalu tunngavigalugu siulersuisut aalajangersimapput Partii Naleraq isumaqatigiissuteqarfiginissaa tulliussasoq, Siumup borgmesterinngortitassaa, Palle Jerimiassen, Sermitsiaq.AG-mut allappoq.

Siumut Qaasuitsoq Avannarlermi ikaarsaariarnermut ataatsimiititaliaani ataatsimik amerlanerussuteqarput, taamaasilluni Palle Jerimiassen borgmesterinngornissani qulakkeeqqallugu.

- Amerlanerussuteqaraluarluta oqaatigiuarsimavarput politikkikkut siammasissumik suleqateqarnissarput, Palle Jerimiassen oqarpoq.

Partii Naleraq suleqatigiinnissamik isumaqatiissuteqarfineqassappat, taamaasilluni borgmesterinngortussap ikaarsaariarnermi ataatsimiititaliami 17-usuni 11-it issiavimmiittuutigalugit amerlanerussuteqarlualissapput.

Atuaruk: IA Qaasuitsoq Avannarlermi illuatungiliuttunngorpoq

- Partii Naleqqap piumasaqaatai tigoqqammivagut, taakkuli isummerfigissavagut, Palle Jerimiassen oqarpoq.

Taassuma naatsorsuutigaa, isumaqatiginninniarnerit ullumi naginneqassasut unnuullu tugaanut ingerlanneqarsinnaallutik.

Naak Partii Naleraq orniginartinnerungaluarlugut, Atassummik suleqateqartoqarsinnaanera mattukkusunngilaa.

- Atassut suleqataarusussinnaanera periarfissinniarlugu piumasaqaatitisinnik nassinnikuuagut, Palle Jerimiassen oqarpoq.

Atassut suleqataalissappat partiit pingasuullutik issiaviit 14-nit qulakkiissavaat.

Ullumi Inuit Ataqatigiit nalunaarutigaat illuatungiliuttunngorniarlutik.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER