Kommunimi sulisoq kukkorujussuartoq
Kommunimi sulisup kukkunerata ittuata akisunaaraa
Februarip qaammataani angut inuusuttoq paassaasiviusimasumi mattussaasimanera Kommuneqarfik Sermersuumi fagchefip tunuartitaassutigingaa
Pisoq tusagassiuuteqarfinni sammineqangaatsiarpoq. Illoqarfiit pingaarnersaanni kommunip nassuerutigisariaqarsimavaa sulisut inoqarsinnaaneranik iluamik misissuinatillu paassaasiviusimasunik paarnaartiterisimanertik.
Atuaruk: Kommunimi sulisoq kukkorujussuartoq: Angut inuusuttoq ulluni 17-ni mattussaaqqasoq
Ulluni 17-nini mattussaaqqaareerluni angut inuusuttoq kommunip sulisuanit toraarneqarpoq. Pisullu kingorna kommunimi nalilersorneqarluni.
Fagchefi suliunnaartitaagallartoq
Tallimanngornermi paassaasiviusimasut inuerullugit paarnaartiterneqarnissaannut akisussaasoq fagchefi suliunnaartitaasimavoq.
Paassaasiviusimasut ullormi tassani siullermik assiaqutserneqaannarsimapput.
Suliaq kiisami naammassineqarpoq, Kommuneqarfik Sermersuumi kommunaldirektøriungallartoq, Lars Møller-Sørensenip, Sermitsiaq.AG-mut paasissutissiaraa.
Tunuarniuteqarsimasoq
- Sulisorput nammineq tunuarniuteqarsimasoq kommunaldirektørip oqaatigaa, pisulli aamma tulleriissimapput allaat inuunermik naleqangajatsinneqarlutik.