Skip to main content

Sisimiuni kusanartunik assiliinermik ilinniarit

Sisimiuni Arctic Sounds Music Festivalip aallartinnginnerani assiliinermut soqutigisallit workshoppertinneqassapput

Sisimiuni Arctic Sounds Music Festivalip aallartinnginnerani assiliinermut soqutigisallit workshoppeqataanissaminnut periarfissinneqarput.

Workshoppi Inuuteq Kriegelimit Inuuteq Storchimillu aaqqissugaavoq.

- Assiliinermut soqutigisallit nutaanillu ilikkagaqarusuttut tamarmik tikilluaqqusaapput. Workshoppi saqqummiinernik, suliakkiissutinik, assiliinermullu tunngasunik oqallinnernik imaqarumaarpoq, aaqqissuisut allapput.

Workshop-ertitsineq aprilimi pissaaq

Inuuteq Storch New York Citymiittumi ICP-mi (International Center of Photography) atuarnikuuvoq, taassumalu saniatigut Københavnimi Fatamorganami assiliinermut atuarnikuulluni. Atuarnermi saniatigut USA-mi, Danmarkimi aamma Kalaallit Nunaanni assilisaminik saqqummersitsinikuuvoq, atuakkanillu arlalinnik saqqummersitseqataanikuulluni. 

Assiliinermut workshoppi Aprilip pingajuaniik tallimaata tungaanut ingerlanneqassaaq nal. 20:00 - 22:30 Serravimmi.

Workshoppimut allatsinniaruit imaluunniit paasisaqarnerorusukkuit uunga allassinnaavutit: inuuteq@arcticsounds.gl 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER