Siumup qinigassanngortitaa: Nuummi aallarnisaasut illoqareerput
Demokraatit nuummi aallarnisaasartut illussaannik pilersitsiniarnerat, Kommuneqarfik Sermersuumi qinigassanngortittup, Ane Egede Mathaeussen (S), paasisinnaanngilaa. Nuummimi aallarnisaasartut periarfissarpassuaqareertut oqaatigaa.
Som Sermitsiaq.AG skrev torsdag, så vil Demokraterne etablere et iværksætterhus i Nuuk.
- Aallarnisaasartunut illuliornikkut ajornartorsiutigut tamarmik qaangerneqarnavianngillat, kisianni alloriassaagut, inuiaqatigiittut kommunitullu inuusuttatsinnut avatangiisit pilerinartut pilersissinnaagutsigit taakkulu isumassarsiaannut. Isumassarsianik ineriaretortitsisinnaanissaq piviusunngortitsisinnaanissarlu isumaqarpunga pingaaruteqartoq – pingaaruteqaqaaq immaqa amerlasoorpassuit takorloorsinnaasaannut naleqqiullugu, Randi Vestergaard Evaldsen ilaatigut oqarpoq.
Aallarnisaasut illoqareerput
Aallarnisaasut illoqareerput, Kommuneqarfik Sermersuumi kommunalbestyrelsemut Siumup qinigassanngortitaa, Ane Egede Mathæussen tusagassiuutinut nalunaarummini oqarpoq.
Atuaruk: D: Kommuneqarfik Sermersooq nutaaliorfiussaaq ineriartortitsiffiullunilu
- Uagut Siumuminngaannit siuttuunitsinni isumagereeratsigut, aallarnisaasut illuat, Siliffissaqartitsiniarnermut Inuussutissarsiornermullu ataatsimiittitami siulittaasuullungali sorsuutigereerakku pilersillugulu, massakkut takussutissartai aallartereernikuupput, Ane Egede Mathæussen oqarpoq.
3900 Future, Asaarnsu, Anu Una aviisi allarpassuillu aallartereernikuusut, Ane Egede Mathæussenip erseqqissaatigaa.
- Aammalu ippassaq Ilimmarfimmi ataatsimiisittisoqarpoq aallarnisaasartunik, tamannalu Sermersooq Business council-ip aaqqissugaraa.
- Takuneqarsinnaavoq Demokraatit, Nuup ineriartorneranut malinnaasimanngitsut. Malinnaaniaritsi nuup ineriartorneranut, kommunalbestyrelsemut qineqqusaarpusi, Ane Egede Mathæussen oqarpoq.
