Qaasuitsup Kommunia

Isumaginnittoqarfimmi pissutsit najussimanartut - atorfinnik inuttassarsiuvinerit unitsinneqartut

Avannaani kommunimi isumaginninnermut ingerlatsivimmi atorfiit inuttaqanngitsut 55-iupput. Taamaakkaluartorli ukiup affaani atorfinnut inuttassarsiuvisoqarsimanngilaq.

Siullermik Kujataani Kangianilu isumaginnittoqarfinni perulluliornerit paatsiveerunnerillu – maannakkut Avannaamiut malinnaapput. Qaasuitsup Kommuniani ingerlatsivimmit kommunalbestyrelsimut ilisimatitsissut eqqumiitsoq naapertorlugu maannakkorpiaq sulisunik pikkorissunik amigaateqartoqarpoq, tamannalu Ilulissani Aasiannilu meeqqat angerlarsimaffianni utoqqaallu illuini ajornartorsiuteqarnernik malitseqarpoq.

Kommunimi atorfilittanit ilisimatitsissut ikioqqulluni suaarnertut nipeqarpoq:

- Isumaginnittoqarfimmi sulisoqarnikkut pissutsit nalinginnaasumik isornarput aamma atorfiit ingerlaavartumik inuttassarsiorneqarniartaraluarput. Taamaalisoqarnerli ajorluni, aamma inuttassarsiuinissanik kissaateqarnerit kommunimi allaffissortunit allanit unitsinneqartarput, kommunalbestyrelsimut nassuiaammi allapput.

Isumaginninnermi pisortaq Henrik Soloy AG-mit oqaaseqatigiit uku qanorpiaq paasisariaqarnersut pillugit aperineqarsimavoq, atorfinnik inuttassarsiunerit pisariaqartinneqartut »kommunimi allaffissortunit allanit unitsinneqartartut«?

- Aap, kommunimi immikkoortortaqarfimmi akisussaaffigineqartumi ulappupallaarneq pissutigalugu atorfiit inuttassarsiorneqanngitsootarnerisa paasinissaata tungaanut taamatut imminut aperisarnikuuvunga, Henrik Soloy oqarpoq.

- Taava qanoq sivisutigisumik inuttassarsiuisoqarsimanngila?

- Qaammatit arfinillit missaanniissoraakka. Tamattami kommunip avinnissaanut ulapputeqarpugut, Henrik Soloy akivoq.

Piffissaq atorfinnik inuttassarsiuiffiunngitsoq sulisunik amigaateqarnermut tamakkerluni nassuiaataanngilaq. Allaaserisaq AG-mi kingullermi saqqummersumi atuaruk:

Powered by Labrador CMS