Skip to main content

Siorarsiorfik – qineqqussaarnermi suliassaq pitsaavallaanngitsoq

Siumut aamma Inuit Ataqatigiit Nuummi pissaaneqarniupput, illoqarfiilli pingaarnersaanni pissaaneqarniarsarinerminni sinerissamiittut ajattortooriataarsinnaavaat

Siumumut aamma Inuit Ataqatigiinnut Kommuneqarfik Sermersuup Nummi Sisorarfimmi illoqarfimmik ineriartortitsinissamik pilersaarutai angunigaqarluarfiusut akunnattoornartorujussuupput.

Partiimmi marluusut tamarmik nunami kommunimi innuttaqarnerpaasumik pissaaneqalernissamik angusaqarniarput aamma Nuummi qinersisartut akueriniarlugit pilersaarutit ukiorpassuarni tulliuttuni pisuussuterpassuarnik peqalersitsisussaasut tapersersortariaqassavaat – aningaasatigut inuttullu pisuussutit. 

Taamaalillutilli Siumup aamma Inuit Ataqatigiit sineriammiut ajattortooriataarsinnaavaat – tamannalu ilutigalugu namminneq naalakkersuisoqatigiinnissamik isumaqatigiissutertik aporaafigalugu »Naligiinneq - Toqqissisimaneq -Ineriartorneq«.

Siuleqummi naalakkersuisoqatigiit inuiaqatigiinni assigiinnginnerujussuarmut annertusigaluttuinnartumut akiuinissamik suaarutiginnipput:

– Naalakkersuisoqatigiit innuttaasut atugaasa assigiinnerunissaat sulissutigissavaat taamaalil­lutillu assigiinnerusunik atugassaqartitsilluta, innuttaasut nunami sumi inuugaluarpata apeqqu­taatinnagit. Taamaalillutik Naalakkersuisoqatigiit inuiaqatigiinni assigiinngissutsit sutigut tamatigut akiorniarlugit kissaatigaat. 

Nuulli 2030-mi 30.000-inik innuttaqalerluni allissappat tamanna ajornakusuussaaq, uffa ukiuni makkunani illoqarfippassuit nunaqarfippassuillu suli amerlanerit inuerukkiartortut. 

Taamaattumik assigiinngissutsinut akiuineq pisuussutinillu amerlavallaanngitsunik nammaqatigiissumik agguataarinissat kommuninut qineqqusaarnermi pingaarutilerujussuussapput. 

Atuaruk: Nunatta oqaluttuarisaanerani inissianut pilersaarut annerpaaq

Allaaserisaq aviisimi Sermitsiami kingullermi saqqummertumi atuaruk. Uani pisiariuk:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER