Royal Arctic Line
Malik Arcticap sananeqarnera maanna naammassivoq
Umiarsuaq nutaaq qaammatit pingasut qaangiuppata Nunatsinnukarnissaa naatsorsuutigineqarpoq
Royal Arctic Linep tallimanngornermi m/s Malik Arctica, umiarsuit Polenimi umiarsualiorfissuarmi Remontowami maajimi ukioq 2013-imi sanatinniarlugit piniarneqarnikuusat kingullersaat tiguaa.
Umiarsuaateqarfik tusagassiuutinut nalunaarummi ilisimatitsivoq.
Assit: RAL-ip umiarsuassaa singinneqarpoq
Umiarsuaq Mary Arcticap assigivaa pitsanngorsagaallunili, Royal Arctic Line allappoq.
- Umiarsuaq suli sapaatip akunnerini pingasuni Polenimiikkallalaassaaq suliassat mikinerusut naammassivinniarlugit suliarinnittoqartussaammat. Tamatuma kingorna umiarsuaq nunatsinni angalasalernissaminut piariissaaq, naatsorsuutigineqarlunilu maajip qaammataani nunatsinnut tikikkumaartoq, Royal Arctic Line ilisimatitsivoq.
Atuaruk: Tusagassiorfik: Royal Arctic Linep umiarsuit marluk taamaatiinnarpai