Nuummi angerlarsimaffeqanngitsunut unnuisarfik
Nuummi inisseeqqittarfik Kommuneqarfik Sermersuup pisiaraa
Kommuneqarfik Sermersooq 6,3 million koruuninik akiliilluni Inisseeqqittarfik Namminersornerullutik Oqartussanit tiguaa. Inisseeqqittarfik siunissami kommunip innuttaanut angerlarsimaffeqanngitsunut unnuisarfittut atorneqassasoq pilersaarutaavoq.
Atuaruk: Angerlarsimaffeqanngitsut amerleriarujussuartut
Kommuneqarfik Sermersuup pisinermigut Inisseeqqittarfik pequtai tamaasa ilanngullugit tiguai illulu angerlarsimaffeqanngitsunut unnuisarfinngortissallugu, tassanilu inunnut 36-inut inissaqarpoq.
- Illoqarfitta pingaarnersaanni inissaaleqinerup ilungersunarnera isertuussassaanngilaq, borgmester Asii Chemnitz Narup (IA) oqarpoq.
Atuaruk: Angerlarsimaffeqanngitsut amerlavallaartut
- Inuit amerlanerugaluttuinnartut Nuummi najugaqarnissartik kissaatigaat, tamatumalu nassatarisaanik inissaqarniarneq ilungersunarnerulersippaa, ajoraluartumillu innuttaasut ilaat piffissani sivikinnerusumi sivisunerusumiluunniit angerlarsimaffeerutsittarlugit.
Pilersaarutit naapertorlugit angerlarsimaffeqanngitsunut unnuisarfik 2017-imi februaarimi ammassaaq.