Skip to main content

Savalimmiormiu Folketingimut ilaasortaq: Tunngaviusumik inatsisiliornersi ajornannginneerarsuussaaq

Kalaallit Nunaanni tunngaviusumik inatsisissaq aatsaat namminiilivinnerup kingorna atuutilersinneqassasoq ilimanaateqartoq Savalimmiuni tunngaviusumik inatsisissaq Naalagaaffeqatigiinnermut ilaanermi atorneqalissaaq. Taamaattumik tamanna Danmarkimut saqitsaassutinik sakkortuunik nassataqartarsimavoq

Kalaallit Nunaata siunissami namminiilivissussap tunngaviusumik inatsisissaanik suliaqarnissaq Savalimmiunilu maanna suliarineqartoq aalajangiisuusumik assigiinngissuteqarput, qeqertat Atlantikup Avannaaniittut Naalagaaffeqatigiinnerup iluani atuuttussanik tunngaviusumik inatsiseqalissammata.

Taama Savalimmiormiu Folketingimut ilaasortaq Sjúrður Skaale socialdemokratinit Javnaðarflokkurinimeersoq oqarpoq, taannalu erseqqissaalluni oqarpoq, suliassaq aallartittoq Kalaallit Nunaata kisimi oqaasissaqarfigigaa namminerlu tassunga isummersorsimanani.

Atuaruk: Kim Kielsen tulluusimaartoq: Namminersulernissamut ingerlariarneq pingaarutilik

Kinaassutsimut uppernarsaatit
- Uatsinnut tunngaviusumik inatsisit tassaapput kinaassutsimut uppernarsaatit, Savalimmiuni inuiannik, naleqartitaannik pisinnaatitaaffiinillu allaaserinniffiusut. Pissutsit maannakkorpiaq inissisimaffigisavut, pissutsillu taakkua allanngortinnissaat kissaatigigutsigu sunik pisinnaatitaaffeqarnerput, taakkunani allaaserineqassaaq. Avissaarnissamik allakkiaanngilaq, Sjúrður Skaale oqarpoq.

Taamaakkaluartoq Savalimmiuni suliaqarneq politikerit akornanni aaqqiagiinnginnerpassuarnut kiisalu Danmarkip Savalimmiullu akornanni allaffigeqtigiittarnerpassuarnut pissutaasimavoq. Tamanna Savalimmiut ingerlaannaq atuutilersinnaasussanik tunngaviusunik inatsisinik suliaqarnissamik anguniagaqarnerannik pissuteqarpoq.

Atuaruk: Tunngaviusumik inatsisissamut isumalioqatigiissitamut amerlanerussuteqartut

Naalagaaffeqatigiinneq allaaserineqanngitsoq
Danmarkillu Savalimmiuni tunngaviusumik inatsisissap Danmarkimi tunngaviusumik inatsimmik qaangiinissaa akueriumanngikkaa tunngaviusumik inatsisissap ullutsinni Naalagaaffeqatigiinnermi pissusiviusunik ersersitsisuunissaa

Savalimmiuni aalajangiusimaneqarpoq. Savalimmiut tamatumani Danmarkimi tunngaviusumik inatsisini allassimasunit piginnaatitsisutinik pigisaqarnerujussooreerput, assersuutigalugu namminerisaminnik inatsisiliortoqarlutik, namminerisaminnik akileraartarnikkut aaqqissuussaaneqarlutik, namminerisaminnillu ilageeqarlutik.

- Allakkiamik ullumikkut pissusiusunik allaaserinnittumik peqarusuppugut. Danmarkip tunngaviusumik inatsisaani Naalagaaffeqatigiinneq allaaserineqanngilaq. Tunngaviusumik inatsiseqalerusuppugut Naalagaaffeqatigiinnerup iluani periarfissanik allaaserinnittumik. Danmarkimi tunngaviusumik inatsisit aamma iluanniissanersoq isummersorfigineqarsinnaassaaq. Danmarkimi tunngaviusumik inatsisit pisoqalisimapput nassaassaanngitsumik allaaserisaqarlutik – naalagaaffimmik ataatsimik ataatsimik inatsisartulimmik, naalakkersuisunik ataatsinik ilaallu ilanngullugit, oqarpoq.

Atuaruk: - Ulloq pingaarutilik

Tunngaviusumik inatsit tamanut atuuttoq
Kalaallit Nunaanni tunngaviusumik inatsisissap ajornannginaarneruneqarnissaa qularinngilaa, aatsaat namminiilivinnermi atuutilissamamt, taamaalillunilu Danmarkimik, Naalagaaffeqatigiinnermik Danmarkimilu tunngaviusumik inatsisinik isiginninniartariaqarani.

- Taava ajornannginnerujussuussaaq. Taava Danmarkimi tunngaviusumik inatsisinut naapertuuttuunissaanut tunngasut tamarmik pinngitsoorneqassapput. Uagut oqaaseqatigiinni taakkunanerpiaq avissaarniat, ataannarniat Danmarkimilu naalakkersuisut ataatsimoortittussaavavut, aamma pissutsinut amerlanerujussuarnut paasinnissuseqartussaavugut naalagaaffiup namminersortup tunngaviusumik inatsisiliorneraninngarnit, Sjúrður Skaale oqarpoq.

Atuaruk: Takussutissaq: Isumalioqatigiissitap suleriusissaa aana

Allaaserisaq tamaat AG-mi uani sapaatip-akunnerani saqqummertumi atuaruk, ullumi pisiniarfinni pisiassaalerpoq. Aviisi uani pisiarinissaanut aamma periarfissaqarputit:

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER