Skip to main content

Politikkikkut GME-mut naaggaarnissamut Múte erseqqissaanngitsoq

Sara Olsvigip (IA) Kuannersuarni suliniummut politikkikkut tunngaveqartumik itigartitsinissamut oqaaseqaataa aatsitassanut naalakkersuisup itigartikkusunngilaa. Taassuma oqaaseqarfigiumanngilaa

GME-p qinnuteqarnissaanut naalakkersuisoqatigiit qanoq inissisimanerannik paatsiveerusimaarneq suli annertusiartorpoq. Aatsitassanut naalakkersuisunngortup Múte Bourup Egedep (IA), qanoq inissisimanerluni paasissutissiissutiginissaanut qinnuteqaat utaqqeqqaarniarpaa.

GME itigartinnissaa ajornartoq
Sapaatip-akunneq kingullermi Siumup Inatsisartunut ilaasortaanni gruppimi siulittaasup erseqqissarniaraluarpaa, qinnuteqaat inatsitsit maleruagassallu malillugit suliarineqassasoq, taamaattumillu itigartinneqarnissaa ajornakusuussanerarpaa.

- Tamanna politikkikkut oqariartuuteqarnertut paasivara, Múte Bourup Egede (IA) oqarpoq.

S: GME-mut akuersissummik tunniussinissamut Múte akuersitinneqarsinnaavoq

Qinnuteqaat takuniaraa
Kuannersuarni suliniummut akerleriissutaasumut itigartitsinissamik periarfissamik piviusumik takusaqarnersoq apeqqummut tunngatillugu, ersarissumik akissuteqarusunngilaq.

- VVM aamma VSB (avatangiisinut nalilersuisnerit aamma inuiaqatigiinnut tunngatillugu naliliinerit, aaqq.) suli amigaatigaagut, maannamut aalajangiissutaasinnaasumik isumaliornianngilanga, aatsitassanut naalakkersuisoq oqarpoq.

Taamaattorli inatsisit malinniarlugit pilersaarluni naqissusiivoq.

Atuaruk: Tusagassiorfik: IA-p GME unitsinniarlugu tamaviaarniarpoq

Politikkikkut naaggaarneq
Tamannarpiarli pillugu taassuma partiimi siulittaasua, Sara Olsvig, nalorninartorsiortitsinermik pilersitsigaluarpoq.

- GME avatangiisit kisiisa pillugit naaggaarneqaratarsinnaanngilaq, aammali politikkikkut tunngaveqartumik itigartinneqaratarsinnaalluni ilisimavaa, taanna sapaatip-akunnerani kingullermi Weekendavisenimi apersorneqarnermini oqarpoq. KNR-ip aamma itisiliilluni aallakaatitassiaanut Qulaarpaamut, qallueqqusivinnginneq suli attallugu naqissuserpaa.

Politikkikkut naaggaarneq akissuteqarfiginngikkaa
Sara Olsvigip politikkikkut tunngaveqartumik naaggaarnissamik oqariartuutaanik aperineqarami, aatsitassanut naalakkersuisup Múte Bourup Egedep (IA) sammisaq pillugu oqaatigineqareersunut innersuussivoq.

- Naalakkersuisoqatigiinni qallueqqusinnginnermut isumaqatigiinnginnerput isumaqatigiissutigaarput. Arlarpassuit isumaqatigiissutigaagut, taakkulu pingaarutillit suliariniarpagut.

- Kisianni partiimi siulittaasuppit, politikkikkut tunngaveqartumik itigartitsinissamik oqaaseqarnera isumaqatigaajuk?

- Naalakkersuisut qinnuteqaammut naggataagut aalajangiisuusussaapput, Múte Bourup Egede (IA) akivoq.

Itigartitsinermut aalajangiussereerneq pissaanermik killormut saatitsinerussasoq, Københavnip universitetani inatsisilernermik professori Peter Pagh KNR-mut oqarpoq. 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER