Skip to main content

Siumup saarullittassiissutit qaffatseqquai

Pisasseeqqittoqarneratigut aalisarnerup ingerlaannarnissaa qulakkeerneqassaaq

Sinerissap qanittuani saarullittassiissutit 25.000 tonsit tamakkerneqangajalerput. Taamaattumik tunisineq pingasunngorpat oktobarip tallimaani unitsinneqassaaq, Kalaallit Nunaanni Aalisarsinnaannermut Akuersissutinik Nakkutilliisoqarfiup tamanna nalunaarutigaa.

Atuaruk: Saarullinniarneq pingasunngorpat unissaaq

Saarullippassuit
Maannali umiatsiaararsortunut aalisartunut ajorsaateqartunut ikiorsiisoqarnialereerpoq. Siumup aalisarneq pillugu oqaaseqartartua Karl-Kristian Kruse (S), pisassiissutit tamakkerneqarnerisa aalisarneq unitsittariaqanngikkaa isumaqarpoq.

- Sumi tamani sineriammi saarullippassuaqarnera kikkut tamarmik oqariartuutigeqattaartarpaat, taamaattumik takkusimaarneranni inuiaqatigiinnit minnerunngitsumillu aalisartunit iluaqutigineqarnissaat Siumup pingaartilluinnarpaa, Karl-Kristian Kruse Siumut sinnerlugu oqarpoq. 

Pisassiissutit siunnersuutigineqartut marloriaataat
Saarullinnik pisassiissutit saniatigut pisassiinissaq Pinngortitaleriffiup siunnersuutigisaanut naleqqutinngillat. Tassami 25.000 tonsinut pisassiissutit biologit siunnersuutaannit 12.379 tonsiusunit marloriaataareerput.

Atuaruk: Saarulliit suli tatineqarput

– Suli mianersortumik siunnersuineruvoq, pissutsillu ilaasa pitsaanerusumik paasisaqarfiginissaannut piffissamik atorfissaqartitsivugut, Pinngortitaleriffimmi aalisakkanut qalerualinnullu immikkoortoqarfimmi pisortaq Helle Siegstad Sermitsiamut juulimi oqarpoq. 

Kisianni tamanna Karl-Kristian Krusemut (S) taamaassorineqanngilaq.

- Pisassanik annertoorujussuarnik nassaqartussaanngitsoq ilisimagatsigu, ukiup nanissaanut aalisarnerup ataavartumik ingerlanissaanik Naalakkersuisut Siumumiit iliuuseqaqquavut, taanna tusagassiuutinut nalunaarummi allappoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER