Niuertunngorniarlutik ilinniartut

Pilersuisumi sulisut aqqaneq-marluk siullersaallutik KNI-p niuertunngorniarnermut ilinniartitsinerani qaammatini qulingiluani sivisussuseqartussamik aallartitseqqammerput.

Atuaruk: Pilersuisumi sulisut nutaanik atisartaartut

Ilinniarneq ilaatigut Sisimiuni pikkorissarnernik pingasunik imaqarpoq. Atuagarsorneq siulleq ullunik qulinik sivisussusilik maanna aallarteqqammerpoq, niuernermik ingerlatseqatigiiffik ilisimatitsivoq.

Siammasissumik tunuliaquteqartut
Niuertunngorniarnermik aallartitsisut pisiniarfinnik ingerlatsinermik ukiuni arlalinni misilittagaqareerput, kisianni taakku saniatigut assigiinngitsunik tunuliaquteqarput:

• Ataaseq Tunumeerpoq, pingasut Avannaaniit, pingasut Kujataaniit, tallimat Qeqqaniit

• Tallimat nunaqarfinneerput, arfinillit illoqarfinneerlutik, ataaseq kiffartuussivimmiit

• Tallimat niuertuupput, tallimat pisiniarfiup pisortaraat, ataaseq tuniniaanermut pisortaq, ataaseq tullersorti