Skip to main content

Ujaasinermi 100.000 koruuninik suli akissarsiassaqartoq

Takornariap Romeo Yat Wuip periarfeerunneqartup nanineqarnissaanut ilaqutaasut suli neriuuteqarput

Takornariamut Romeo Yat Wuimut periarfeerussamut ilaqatuusut suli neriuuteqarput, naak aamma toqungasoq nassaarineqaraluarpalluunniit.

Kiinameersup ilaqutai sinnerlugit Malene Ingemann tusagassiuutinut taama nalunaaruteqarpoq, takornariaq taanna Sisimiut Kangerlussuullu akornanni pisuttuartoq juulip 14-ani kingullermik takuneqarpoq.

Atuaruk: Takornariaq maqaasineqartoq

Akissarsiassaq
Periarfeerunneqartut qatanngutai marluk ujaaseqataajartorlutik Nunatsinneeqqammerput, taamatullu aamma oqartussat ujaasiunnaarnerisa kingorna kajumissutsiminnik ujaaseqataasoqarpoq.

Atuaruk: Kiinamiumik pisuttuartumik ujaasineq taamaatikkaat

Ilaqutariit siornatigut suliamut tunngatillugu 100.000 koruuninik akissarsiassaqartitsilernikuupput. Taannalu neqeroorut suli atuuppoq, ilaqutaasullu neriuutigaat, akissarsiassaq suli ujaasiumasoqarnissaanut isumassarsititsiumaartoq.

GPS-imik ujaasissut
Malene Ingemann Qeqqata Kommuniani Partii Naleqqamit kommunalbestyrelsimut ilaasortaasoq, siornatigut aggustimi kommunalbestyrelsimut siunnersuuteqarsimavoq, takornariat Sisimiut Kangerlussuullu akornanni pisuttut tamarmik siunissami nalunaarsorneqartalernissaat aamma GPS-imik ujaasissuteqartalernissaat.

- Taakku Romeo Yat Wuip qatanngutaasa marluk siunnersuut tusarsimavaat. Kiinamilu ilaquttatik peqatigalugit kommunimut aningaasanik tapiissuteqarniarlutik isumassarsisimapput, taakku aaqqiissummut qulakkeerinnikkumaartut neriuutigaat, siunissamilu taamatut ujaasinerit pinngitsoortinneqarlutik. Kisianni aningaasat kommunimut tunniunneqassapput, taassumalu kingorna kommunalbestyrelsip aalajangissavaa aningaasat qanoq atorneqassassut, Malene Ingemann ilisimatitsivoq.

Atuaruk: Ujarneqartumut ilaqutaasut ikiuuttunut qujapput

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER