Skip to main content

Sullivinni isumannaallisaaneq pillugu iliuusissanut naalakkersuisoqatigiinni akerleriittoqartoq

Sullivinnut Nakkutilliisoqarfiup ingerlanneqarneranut akiligassat suliffeqarfinnut Naalakkersuisut nassiunniarmatigit, partii naalakkersuisoqataasut Demokraatit nuannaarutiginngilaat

Partiip naalakkersuisoqataasup Demokraatit politikkikkut oqaaseqartartuat, Justus Hansen, suliffinni isumannaallisaanikkut pissutsit Naalakkersuisut qanoq angerlaanneqarnissaannut siunnersuutaat naammagittaalliutigaat.

Angerlaassineq suliffeqarfinnut aningaasartuuteqarnerulernermik kinguneqartariaqanngilaq, politikeri isumaqarpoq.

Atuaruk: Sullivinnik Nakkutilliisoqarfik akisussaaffigilerniaraat

Millininik akiliuteqassasut
Justus Hansenip tikkuarpaa, Namminersorlutik Oqartussat nassuiaataat naapertorlugu, sullivinnik isumannaallisaanermut akisussaaffiup angerlaanneqarnissaa ukiumut 10,7 millionit koruuninik akeqartassaaq.

Nassuiaammi tassani erserpoq, angerlaassineq nunatta karsianut akeqarnavianngitsoq, Nunatsinni suliffeqarfiit akiliuteqartinnerisigut Naalakkersuisut 5,5 - 11,4 millionit koruuninik isertitaqarnissamik qulakkeerinninniaramik.

Demokraatit politikkerinngikkaat
Siunnersuut suli Inatsisartunut saqqummiunneqanngilaq, kisiannili maannakkumut naqqiutigereerniarpara, Demokraatit politikkerinngimmassuk suliffeqarfiit akitsuusersorneqarnissaat, unammillersinnaanerannut innarliisinnaasut taamaasillutik alliartornissamut ineriartornissamullu pinngitsoortitsisinnaasunik, Justus Hansen tusagassiuutinut nalunaarummi naqissusiivoq.

Isumamini immikkoortortaqarfimmik angerlaassineq Demokraatit akerlerinngilaat, kisiannili eqqarsartaaseraarput immikkoortortaqarfimmik angerlaassineq pineqartumut nukittorsaanerussasoq aningaasartuutinilli annertusaanerussanngitsoq. Allatut oqaatigalugu Naalakkersuisut angerlaassinermi aningaasalersueriaasissaat pitsaasuunngilaq, taanna ilanngullugu oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER