Skip to main content
dom

Altanikkut nakkartoq: 90.000 koruuninik taarsiiffigineqassaaq

Nuummi naalungiarsuup nukappiaqqap ataatsimik ukiullip altanikkut nakkarnera eqqartuussivimmi aalajangiiffigineqarpoq. Entreprenøri inissiaatileqatigiiffillu akiliisussanngortinneqarput

2013-imi maajip 31-anni naalungiarsuk nukappiaraq ataatsimik ukiulik Nuummi Tuapannguani init quleriit arfinilissaannit nakkarpoq.

Kalaallit Nunaanni Eqqartuussivik maanna pisimasumi tamatumani aalajangiivoq, tassanilu entreprenøri Permagreen A/S inissiaatileqatigiiffillu Illuut A/S, tamarmik immikkut 45.000 koruuninik taarsiissuteqartussatut eqqartuunneqarput.

Isumannaallisaaneq sumiginnarpaat

Selskabit pineqaatissinneqartut takkua marluk illorsuarmi inissiaqarfimmi naammaginartumik isumannaallisaanissamik sumiginnaasimasutut eqqartuunneqarput. Tassa altanimi assiaqutip illullu akornanni assiaqutip nerutuallaarnera pissutigalugu.

Nukappiaraq ataatsimik ukiulik taakkua akornisigut nakkarsimavoq, inissiallu quleriit arfinilissaannit nakkarami niaqqumi saarnga innarlersimavaa, qaratsamigut aanaartoorluni, nanjungasuni arlallit napillugit uppatimilu saarnga napillugu.

Tupinnaraluartumilli nakkarnini toqqutiginngilaa.

Nutaamik assiaqusersorpaat

Illuut-ip Permagreenillu eqqartuussut eqqartuussivimmut qaffasinnermut ingerlateqqissaneraat ilisimaneqanngilaq. Unnerluussisussaatitaasup eqqartuussut naammagisimaarlugu oqaatigaa.

Pisup alianartup kingorna inissiaatileqatigiiffiup Illuut-ip Nuummi inissiaateqarfii arlallit allanngortiterneqarsimapput. Srlskabilli taakkua marluk pinngitsuullutik oqaatigaat.

Suliap tamatuma saniatigut aamma inuinnartigut eqqartuussineq alla, taarsiivigineqarnissamik imalik, ingerlanneqarpoq.

 

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER