Skip to main content

Malik Kleist kisimiilluni aappassaanik saqqummersitsilerpoq

Malik Kleistip siuttuulluni erinarsortutut saqqummersitaasa arfinilissaat - kisimiillunilu aappassaanik saqqummersitaa nuannaarnerullunilu qaamanerussaaq

Malik Kleist ukiut sisamat saqqummersitsinngereerluni kiisami saqqummersitsinissaminut piareerpoq.

2012-imi nuusiaa kingulleq Nammineq Uanga saqqummerpoq, massakkullu nuusiap aappassaa, nuuteraq nutaaq ateqartoq Ulloq Nutaaq Takkuppoq saqqummilerpoq.

Kleist naapertorlugu, nuuteeraq nutaaq pisarnermit nipiginnerullunilu nuannaarnerussaaq.

Poppiunerusoq
Tamatumunnga nipilerisoq Qillannguaq Berthelsen ilaatigut pissutaavoq.

- Aasaq kingulleq aallartippunga, tassanilu nipilersortartut assigiinngitsut erinnanik immiussiteqattaarpagut. Qilanaarineqarsinnaavoq una nuusiaq siulianit akuersaarnerummat taavalu poppiunerussammat, nipilersortartoq tusagassiuutinut nalunaarummini allappoq.

- Qillannguup filmiliornermut nipilersuusiornermut piginnaaneri atorluarniarsaraagut, symfonii orkesteritut nipilersuutit ilanngutassiaralugit, erinnanullu tulluarsarluarlugit. Soorlu violiinit aamma chellot. 

Chilly Friday
Nipilersukkat taamaalillutik kissarnerusumik uummateqarnerusumik
misigaagut, misigissuseqarnerusumillu nipeqarluni, nipilersortartoq oqarpoq. Nuusiaq rockimik aqinnerulaamik tunngaveqarpoq, taanna naqissusiivoq.

- Soorunalimi sakkortulaartunik rockerneq nuannarisuugakku tamanna qimavinngilarput, suli sakkortulaartunik erinaqarpoq, Nuummioq neriorsuivoq.

Malik Kleist siullermik Chilly Fridayimi erinarsortutut ilisarisimaneqalerpoq, taakku sisamariarlutik saqqummersitsinikuupput. Una saqqummersitaq Maliup erinarsortutut saqqummersitaasa arfinilissaraat.

Nipilersorneq pillugu oqaluttuat tamaasa takukkit

Ulloq Nutaaq Takkuppoq juunip 17-ani saqqummissaaq. Nuutip saqqaa uani ataani takuuk

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER